قىزىلجاردا اققۋلاردى اتقان استانا تۇرعىنى ۇستالدى - وقيعا|28 قىركۇيەك 2018، 10:11
كۋرسى ۆاليۋت وبنوۆليايۋتسيا
استانا:

قىزىلجاردا اققۋلاردى اتقان استانا تۇرعىنى ۇستالدى

فوتو: Автор

سولتۇستىك قازاقستان وبلىسىنىڭ مامليۋت قالاسىندا تۇراتىن دوسىنىڭ ۇيىنە قوناققا كەلگەن استنانا تۇرعىنى اققۋلارعا زاڭسىز اڭشىلىق جاساعان. اتالعان فاكتىگە قاتىستى قىلمىستىق ٴىس قوزعالدى، دەپ حابارلايدى baq.kz ٴتىلشىسى.

مامليۋت قالاسىنداعى قوعامدىق ٴتارتىپتى قاداعالاۋ ماقساتىندا كوشەلەردى ارالاپ جۇرگەن پوليسيا ينسپەكتورى الەكساندر روگاچەۆ ەلدى-مەكەننىڭ سىرتىندا اتىلعان مىلتىق دىبىسىن ەستيدى. ٴتارتىپ ساقشىسى بىردەن اۋداندىق ىشكى ىستەر ٴبولىمىنىڭ كەزەكشى بولىمىنە حابارلاسىپ، اۋداننىڭ شىعا بەرىستەگى جولىنا پاترۋلدىك پوليسەيلەردى جىبەرگەن.

مىلتىق اتىلعان جەرگە جەدەل جەتكەن پوليسيا ينسپەكتورى كۇدىك تۋدىرعان nissan اۆتوكولىگىن توقتاتقان. ٴتىنتۋ بارىسىندا كولىكتىڭ ىشىنەن اڭشى مىلتىعى تابىلعان.

«تەكەرە كەلە، كۇدىكتىنىڭ استانا قالاسىنىڭ تۇرعىنى ەكەندىگى انىقتالدى. 1987 جىلى تۋىلعان. ول مامليۋت قالاسىندا تۇراتىن دوسىنا قوناققا كەلگەن. قر قىلمىستىق كودەكسىنىڭ 337-بابىنىڭ 1-بولىگى «زاڭسىز اڭشىلىق» فاكتىسى بويىنشا سوتقا دەيىنگى تەرگەۋ امالدارى جۇرگىزىلىپ جاتىر»، - دەيدى مامليۋت اۋداندىق ىشكى ىستەر ٴبولىمىنىڭ باستىعى، پوليسيا مايورى سەرىك ٴالجانوۆ.

«مەن اڭشىلىققا قۇمارمىن. كولدە ٴجۇزىپ جۇرگەن قۇستاردى كورىپ، قىزىعىپ كەتتىم. ٴوزىمدى ۇستاي الماي قالدىم»، - دەپ اقتالماق بولدى كۇدىكتى.

كولىكتەن 3 سۇڭقىلداق اققۋ تابىلعان. قاسيەتتى قۇستىڭ كيەسىنەن قورىقپاعان اڭشى زاڭ الدىندا جاۋاپ بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي