قىزىلوردادا جول اپاتىنان 4 ادام قازا تاپتى - وقيعا|02 قازان 2018، 15:32
كۋرسى ۆاليۋت وبنوۆليايۋتسيا
استانا:

قىزىلوردادا جول اپاتىنان 4 ادام قازا تاپتى

قىزىلوردا قالاسىندا جول اپاتىنان 4 ادام قايتىس بولدى، دەپ حابارلايدى baq.kz ايماقتاعى ٴتىلشىسى.

جول-كولىك وقيعاسى 1 قازان كۇنى قىزىلوردا قالاسىنداعى پرەزيدەنت ساياباعى ماڭىندا ورىن العان. وبلىستىق ىشكى ىستەر دەپارتامەنتىنىڭ ٴباسپاسوز قىزمەتىنىڭ حابارلاۋىنشا، «ۆاز» جانە «snacman» اۆتوكولىكتەرى سوقتىعىسقان.

«وقيعا سالدارىنان «ۆاز-2115» كولىگىنىڭ جۇرگىزۋشىسى مەن وسى كولىكتەگى ەكى جولاۋشى سول جەردە قايتىس بولسا، اۋىر جاراقاتتانعان ەكەۋى وبلىستىق مەديسينا ورتالىعىنا جەتكىزىلدى. الايدا، سونىڭ بىرەۋى مەديسينالىق مەكەمەدە دۇنيە سالدى. «وپەل-ۆەكترا» كولىگىندەگى 4 جولاۋشى وبلىستىق مەديسينا ورتالىعىنىڭ قابىلداۋ بولىمىندە دارىگەرلەرگە تەكسەرىلدى جانە ولار ۇيلەرىنە قايتارىلدى. مۇنداي ادام ولىمىنە اكەلگەن جول اپاتى بيىلدىققا ٴبىرىنشى رەت بولىپ وتىر»، – دەدى باۋىرجان يبرايەۆ.

«جول كولىك وقيعاسى فاكتىسى بويىنشا قازاقستان رەسپۋبليكاسى قىلمىستىق كودەكسىنىڭ 345-بابىنىڭ 4-بولىگىمەن تەرگەپ-تەكسەرۋ باستالدى. جول-كولىك وقيعاسى سالدارىنان 3 ادام قايتىس بولىپ، ەكەۋى مەديسينالىق مەكەمەگە جەتكىزىلدى. بۇگىنگى كۇنگە جەتكىزىلگەن ەكى ازاماتتىڭ بىرەۋى مەديسينالىق مەكەمەدە قايتىس بولدى»، – دەپ مالىمدەدى دەپارتامەنتتىڭ ٴباسپاسوز قىزمەتى.

سونىمەن قاتار، جول اپاتى بويىنشا ٴتيىستى ساراپتامالار تاعايىندالىپتى. وقيعانىڭ باسقا دا ٴمان-جايلارى انىقتالىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي