قىزىلوردا وبلىسىندا پويىز رەلستەن شىعىپ كەتتى

فوتو: Қызылорда облысы әкімдігі

قىزىلوردا وبلىسى. baq.kz. جۇك پويىزىنىڭ 16 ۆاگونى رەلستەن شىعىپ كەتتى، زارداپ شەكەندەر جوق. بۇل تۋرالى قىزىلوردا وبلىسى اكىمدىگىنەن حابارلادى.

12 قاراشا ساعات 23:40 شاماسىندا قىزىلوردا وبلىسى بويىنشا توتەنشە جاعداي دەپارتامەنتىنىڭ كەزەكشى قىزمەتكەرىنەن قازالى-ارال باعىتىنداعى ارال اۋدانىنا قاراستى "ٴقامىستىباس-شومىش" اۋماعىنىڭ 2426 شاقىرىمىندا پك-7 پ-1273 جۇك پويىزى رەلستەن شىققانى تۋرالى حابارلاندىرۋ تۇسكەن. بۇگىندە اپاتتىڭ سەبەبى انىقتالۋدا.

تجد مالىمەتىنە سايكەس، ماشينيست ب.بايماحانوۆ باسقارىپ وتىرعان تەززا-0137 تەپلوۆوزى تەجەگىش ماگيسترالىندە قىسىم تومەندەۋىنە بايلانىستى 73 شاق./ساع. جىلدامدىعىمەن كەلە جاتقان بويدا ساعات 23.05 جەدەل توقتاۋ جاساعان.

پويىز قۇرامىن قاراۋ بارىسىندا پويىزدىڭ باس جاعىندا 6-21 ۆاگوندارى رەلستەن شىققانى انىقتالدى. جالپى، قۇرامىندا 45 ۆاگونى بار جۇك پويىزىنىڭ 16 ۆاگونى اۋدارىلعان، جۇگى انىقتالۋدا. ادام شىعىنى جوق.

فوتو: قىزىلوردا وبلىسى اكىمدىگى

قازىرگى تاڭدا وقيعا ورنىندا «قازاقستان تەمىر جولى» ۇك» اق اپاتتى-قۇتقارۋشى قىزمەتتەرىنىڭ 70 قىزمەتكەرى، ونىڭ ىشىندە 2 قالپىنا كەلتىرۋ پويىزى، تجد، سونداي-اق، ارال جانە قازالى اۋداندارى اكىمدىكتەرى مەن وبلىستىق جۇمىلدىرۋ دايىندىعى باسقارماسىنىڭ 25 قىزمەتكەرى جۇمىس ىستەپ جاتىر. وقيعا سالدارىنان 3 جولاۋشى پويىزى توقتاپ تۇر. ولار: قازالى ستانسياسىندا № 481 «تاشكەنت-سامارا» پويىزى; ارال تەڭىزى ستانسياسىندا № 378 «ماڭعىشلاق-الماتى» پويىزى; سەكسەۋىل ستانسياسىندا № 618 «قىزىلوردا-استانا» پويىزى.

«الماتى-ماڭعىشلاق» جولاۋشى پويىزىندا 723 ادام، ونىڭ ىشىندە 7 جاسقا دەيىنگى 39 بالا، «قىزىلوردا-استانا» پويىزىندا 191 ادام، ونىڭ ىشىندە 7 جاسقا دەيىنگى 40 بالا، «تاشكەنت-سامارا» پويىزىندا 183 جولاۋشى، ونىڭ ىشىندە 13 بالا بار. ادام شىعىنى مەن زارداپ شەككەندەر جوق، جەرگىلىكتى پوليسيا قىزمەتىنىڭ كۇشىمەن 3 پويىز جولاۋشىلارىنىڭ قاۋىپسىزدىگى قامتاماسىز ەتىلدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!