BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەرچ وقيعاسى. قۇرباندار اراسىندا قازاقستاندىقتار جوق

استانا، baq.kz: كەرچ قالاسىندا قازا تاپقانداردىڭ ىشىندە قازاقستاندىقتار جوق، دەپ حابارلايدى قر ٴسىم ٴباسپاسوز قىزمەتى.

«زارداپ شەككەندەر مەن كوز جۇمعان ادامداردىڭ ىشىندە قازاقستاندىقتار جوق. قازاقستاننىڭ اتىنان كەرچتە قايتىس بولعانداردىڭ تۋعان-تۋىستارىنا، جاقىندارىنا كوڭىل ايتا وتىرىپ، جاراقات العانداردىڭ تەزىرەك ساۋىعىپ كەتۋىن تىلەيمىز»، - دەلىنگەن قر سىرتقى ىستەر مينيسترلىگىنىڭ حابارلاماسىندا.

كەرچتەگى كوللەدجگە شابۋىل 17 قازان كۇنى كۇندىز جاسالدى. شابۋىلدى كوللەدجدىڭ 18 جاستاعى ستۋدەنتى ۆلاديسلاۆ روسلياكوۆ جاسادى. ول اڭشى مىلتىعىنان وق اتىپ، قولدان جاسالعان بومبانى جارعان. وسىدان سوڭ ٴوزىن-وزى ولتىرگەن. بولجام بويىنشا، ستۋدەنت وقىتۋشىمەن كيكىلجىڭگە كەلىپ قالىپ، شابۋىل جاساعان.

رەسەي اننەكسيالاپ العان قىرىم باسشىسى سەرگەي اكسەنوۆ ٴجاسوسپىرىمنىڭ شابۋىلدى جالعىز ٴوزى جاساعانىن، ونىڭ باسقا جاقتا سەرىكتەرى بار-جوعى انىقتالىپ جاتقانىن ايتادى.

بۇل وقيعا بويىنشا اۋەلدە "تەراكت" بابىمەن قىلمىستىق ٴىس قوزعالىپ، كەيىن ول "كىسى ٴولىمى" دەپ وزگەرتىلگەن. قىرىمدا ٴۇش كۇندىك قارالى كۇن جاريالاندى.

ەستەرىڭىزدە بولسا، بۇعان دەيىن جارىلىستان كوز جۇمعاندار سانىنىڭ ارتقانى تۋرالى جازعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي