2481 
0
الماتى، baq.kz ٴتىلشىسى. قازاقستاندا جولداعى اپاتتىڭ دەڭگەيى نورۆەگيادان 11 ەسە كوپ. جاقىندا عانا استانادا بۇكىل الەمدىك دەنساۋلىق ساقتاۋ ۇيىمى قازاقستاننىڭ جول اپاتى بويىنشا الەمدە ٴبىرىنشى ورىندا ەكەندىگى ايتىلدى.
استانا: 
الماتى، baq.kz ٴتىلشىسى. قازاقستاندا جولداعى اپاتتىڭ دەڭگەيى نورۆەگيادان 11 ەسە كوپ. جاقىندا عانا استانادا بۇكىل الەمدىك دەنساۋلىق ساقتاۋ ۇيىمى قازاقستاننىڭ جول اپاتى بويىنشا الەمدە ٴبىرىنشى ورىندا ەكەندىگى ايتىلدى.
بۇل تۋرالى «ورتاق جول» جول قوزعالىسى قاۋىپسىزدىگى قاۋىمداستىعىنىڭ باس حاتشىسى، «زا رۋلەم» قازاقستان جۋرنالىنىڭ باس رەداكتورى الەكسەي الەكسەەۆ جول قۇرباندارىن ەسكە الۋ كۇنىنە وراي ۇيىمداستىرىلعان ٴباسپاسوز ٴماسليحاتىندا ايتتى.
ونىڭ ايتۋىنشا، اۆتوكولىك الەمدەگى ەڭ ٴقاۋىپتى كولىك ٴتۇرى. ماسەلەن ۇشاق قۇلاۋى مۇمكىن، الايدا ستاتيستيكا بويىنشا ول جىلىنا 500 ادامنىڭ ٴومىرىن قيادى ەكەن. ال اۆتوكولىكتەن جىلىنا 1 ملن 240 مىڭ ادام قازا تابادى.
«قازاقستان جولدارى جىل سايىن 3 مىڭنان اسا ادامنىڭ ٴومىرىن جالماۋدا. تاعى 3،5 مىڭ ادام جاراقات الادى. 2018 جىلدىڭ التى ايىندا ەلىمىزدە 6703 جول قوزعالىس وقيعاسى بولعان، 780 ادام كوز جۇمعان. اپاتتى جاعدايدىڭ باسىم كوپشىلىگى الماتى مەن الماتى وبلىسىندا تىركەلگەن. تاس جولدا قايعىلى جاعدايدىڭ ورىن الۋىنىڭ باستى سەبەپتەرى قارسى بەتكە شىعىپ كەتۋ، ال قالادا باعدارشامنىڭ قىزىل تۇسىنە ٴوتۋ، بۇرىلىستا جىلدامدىقتى ساقتاماۋ بولىپ وتىر»، - دەيدى ا. الەكسەەۆ.
سونىمەن قاتار ول، ەلىمىزدە جول قوزعالىسى ەرەجەسىن ساقتاۋ جاعدايى وتە تومەن ەكەندىگى ايتا كەلە، جول قوزعالىسى وقيعالارىنىڭ الدىن الۋ ٴۇشىن ٴبىرقاتار ٴىس-شارالار وتكىزىپ جاتقاندارىن جەتكىزدى.
«ٴقازىر اسىرەسە بالالارمەن جۇمىس ىستەۋگە كوپ كوڭىل بولۋدەمىز. جول قوزعالىسى ەرەجەسىن ساقتاۋدىڭ ماڭىزدىلىعىن بالالار ارقىلى ۇلكەندەرگە جەتكىزگىمىز كەلەدى. ماسەلەن اتا-اناسىمەن وتۋگە بولمايتىن جەردە كەتىپ بارا جاتقان بالا مىندەتتى تۇردە بۇل جەر وتۋگە ارنالماعان دەپ ولارعا ەسكەرتۋ جاسايدى. سونداي-اق جاس بالالاردان قۇرالعان جول ينسپەكتورلارىمەن دە جۇمىس اتقارامىز. وسى ينسپەكتورلار اراسىندا جىل سايىن بايقاۋلار وتكىزىلەدى، وعان بالالار قۋانا قاتىسۋدا. ياعني، جول ەرەجەسىنىڭ زارداپتارى قانداي بولاتىنىن بالا كەزدەن بويىنا ٴسىڭىرىپ وسكەن ازامات ونى بۇزباۋعا تىرىسادى. الداعى 10-15 جىلدا جاعداي قازىرگىدەن ٴتاۋىر بولادى دەگەن ويدامىز»، - دەيدى ول.
فوتو: اۆتوردىكى
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5458
0