«قازاقمىس» جۇمىسشىلارى 6 ملن تەڭگەگە مىس ۇرلادى - وقيعا|01 قازان 2018، 15:50
كۋرسى ۆاليۋت وبنوۆليايۋتسيا
استانا:

«قازاقمىس» جۇمىسشىلارى 6 ملن تەڭگەگە مىس ۇرلادى

فوتو: ашық дереккөзден

بالقاش مىس قورىتۋ زاۋىتىنىڭ 4 جۇمىسشىسى، كۇزەت اگەنتتىگىنىڭ ەكى قىزمەتكەرى جانە جۇمىسسىز ازامات ۇرلىق جاساعانى ٴۇشىن شارتتى تۇردە سوتتالدى، دەپ حابارلايدى baq.kz ٴتىلشىسى liter.kz پورتالىنا سىلتەمە جاساپ.

مىستى «قازاقمىس» كورپوراسياسىنىڭ 2 ٴماشينيستى، بالقاش مىس قورىتۋ زاۋىتىنا قاراستى kazakhmys smelting كومپانياسىنىڭ ماستەرى، ٴبىر جۇمىسسىز ازامات، جەكە كۇزەت اگەنتتىگىنىڭ ەكى كۇزەتشىسى ۇرلاعان. كۇزەتشىلەر كەلىسىم شارت نەگىزىندە «قازاقمىس» كومپانياسىنا كۇزەت قىزمەتىن ۇسىنعان.

«سوت ايىپكەرلەردى قوعامنان وقشاۋلاماي تۇزەتۋ قاجەت دەگەن شەشىم شىعاردى»، - دەدى بالقاش قالالىق سوتىنىڭ سۋدياسى مارات باشانوۆ.

بالقاش مىس قورىتۋ زاۋىتىنىڭ ماستەرى جانە جۇمىسسىز ازامات شارتتى تۇردە 5 جىلعا باس بوستاندىعىنان ايىرىلدى. ال اتالعان كورپوراسياسىنىڭ 2 ٴماشينيستى مەن جۇرگىزۋشسىنىڭ بوستاندىعى 4 جىلعا شەكتەلدى.

قاقپانى اشىپ، ۇرلانعان مىستى الىپ كەتۋگە جول بەرگەن جەكە كۇزەت قىزمەتىنىڭ قاراۋىل باسشىسى مەن كۇزەتشىسى ۇرلىققا قاتىسى بار دەپ تانىلىپ، 3 جىلعا باس بوستاندىعىنان ايىرىلدى.

ولار قر قىلمىستىق كودەكستىڭ «ۇرلىق جاساۋعا وقتالۋ»، «ۇرلىق»، «قاراقشىلىق توناۋ» باپتارى بويىنشا ايىپتى دەپ تانىلدى.

ۇرىلار 5 ملن 828 مىڭ تەڭگەنىڭ 4 مىڭ 330 كگ مىسىن قولدى ەتكەن. قازىرگى تاڭدا ونىڭ جارتى بولىگى كومپانياعا قايتارىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي