BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كاسپييدە بروكونەرلەر ۇستالدى

استانا، baq.kz. قازاقستاندىق شەكاراشىلار كاسپيي تەڭىزى اكۆاتورياسىنداعى جاۋىنگەرلىك قىزمەتى بارىسىندا قارۋ قولدانا وتىرىپ، براكونەرلەردى قۇرىقتادى، - دەپ جازادى قر ۇقك شق ٴباسپاسوز قىزمەتى.

قازاقستان رەسپۋبليكاسىنىڭ اۋماقتىق سۋلارىندا قر ۇقك شق جاعالاۋ كۇزەتى باسقارماسىنىڭ شەكارا كورابلىنىڭ جاۋىنگەرلىك كەزەكشىلىكتى بارىسىندا، 23 ساعات 45 مينۋتتا "بايدا" تيپىندەگى شاعىن قايىق انىقتالىپ، ىزىنە ٴتۇسۋ جۇمىستارى باستالدى.

شاعىن قايىقتى توقتاتۋ ماقساتىندا قازاقستان رەسپۋبليكاسىنىڭ "قر مەملەكەتتىك شەكاراسى تۋرالى" زاڭىنا سايكەس اتۋ قارۋى قولدانىلدى.

قارۋ قولدانۋ كەزىندە بۇزۋشىلاردىڭ بىرەۋى وڭ جاق يىعىنان جاناما جاراقات الىپ، وعان مەديسينالىق كومەك كورسەتىلدى. 2018 جىلعى 29 جەلتوقساندا 00 ساعات 10 مينۋتتا شاعىن قايىق ۇستالدى. قايىقتا 4 ادام. ٴازىربايجان رەسپۋبليكاسىنىڭ ازاماتتارىنىڭ سوزىنە قاراعاندا 40 دانا اسىل تۇقىمدى بالىعى، 10 جاشىك بروكونەرلىك بالىق اۋلاۋ جانە سپۋتنيكتىك بايلانىس قۇرالدارى مەن ناۆيگاسيالار قولعا ٴتۇسىرىلدى.

قازاقستان رەسپۋبليكاسىنىڭ مەملەكەتتىك شەكاراسىن قاساقانا زاڭسىز بۇزۋ دەرەگى بويىنشا قىلمىستىق ٴىس قوزعالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي