استانا: 
استانا، baq.kz. ماڭعىستاۋ وبلىسىنىڭ قۇقىققورعاۋ ورگاندارى كەشە كەشكە اقتاۋدا مەتالل قابىلداۋ پۋنكتىندە بولعان جارىلىس سەبەبىنىڭ ەكى نۇسقاسىن انىقتاپ جاتىر. ٴىىم قالمۇحانبەت قاسىموۆتىڭ ايتۋىنشا، جارىلىس بەلگىسىز ٴبىر زاتتان نەمەسە گازبەن جۇمىس ىستەيتىن مەتالل كەسەتىن قۇرىلعىدان بولۋى مۇمكىن.
ٴمينيستردىڭ ايتۋىنشا، وقيعا بولعان كۇنى مەتالل جينايتىن ٴتورت ادام گازەل كولىگىمەن جەرگىلىكتى جەرگە كەلگەن. التى قاپ مەتالل جيناپ الىپ، پرومزونا-2 مەكەنجايىندا ورنالاسقان مەتالل قابىلداۋ پۋنكتىنە بارعان. مەتالل تاپسىرىپ جاتقاندا جارىلىس بولادى. سول جەردە قابىلداپ جاتقان ادام مەن تاپسىرىپ جاتقان ادام قايتىس بولعان. تاعى ٴۇش ادام ماڭعىستاۋ وبلىستىق اۋرۋحاناسىنا جەتكىزىلگەن.
ماڭعىستاۋ وبلىستىق دەنساۋلىق ساقتاۋ باسقارماسىنىڭ اقپاراتىنا سۇيەنسەك، اقتاۋ قالاسىنىڭ ٴۇش تۇرعىنى دەنساۋلىقتارى ورتاشا جاعدايدا اۋرۋحانانىڭ تراۆماتولوگيا بولىمشەسىندە جاتىر.
قالمۇحانبەت قاسىموۆ جارىلىس گراناتا نەمەسە باسقا دا جارىلعىش قۇرىلعىدان بولۋى مۇمكىن دەگەندى جوققا شىعاردى. ٴبىراق كەشە «ارلان» وقۋ-جاتتىعۋ روتاسىنىڭ قىزمەتكەرلەرى 11 تانكىلىك وقۋ سناريادىن تاپقان.
«ٴقازىر اسكەري تەرگەۋشىلەردىڭ كومەگىمەن تەكسەرىس جۇرگىزىلىپ جاتىر. جارىلىس ول جەرگە قانداي دا ٴبىر زاتتىڭ كىرگىزىلۋىنەن نەمەسە گازبەن جۇمىس ىستەيتىن مەتالل كەسەتىن قۇرىلعى مەتالدى ٴتۇسىرىپ جاتقاندا قوسىلىپ كەتكەنىنەن بولۋى مۇمكىن. ٴقازىر ساراپشىلار جۇمىس ىستەپ جاتىر»، - دەدى ۆەدومستۆو باسشىسى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
6454 
0
5528
0