BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندىدا ەكى بالانىڭ ولىمىنە سەبەپشى بولعان ٴتىس دارىگەرى ليسەنزياسىنان ايىرىلدى

قاراعاندى قالاسىندا تىستەرىن ەمدەتۋ كەزىندە ولگەن ەكى بالاعا ينەكسيا سالعان دارىگەر-انەستەزيولوگ كاسىبي مامان ەكەنىن دالەلدەيتىن سەرتيفيكاتىنان ايىرىلدى، دەپ حابارلايدى baq.kz اقپارات اگەنتتىگى tengrinews.kz سايتىنا سىلتەمە جاساپ.

اقپان ايىندا ازاماتتىق سوتقا قوعامدىق دەنساۋلىق ساقتاۋ دەپارتامەنتىنەن شاعىم كەلىپ ٴتۇستى.

«9 ٴساۋىر كۇنى سوت تالاپ ارىزدى قاراستىرۋدى باستادى. دۇيسەنبى، 16 ٴساۋىر كۇنى، دەپارتامەنت انەستەزيولوگتى سەرتيفيكاتىنان ايىردى»، - دەدى قاراعاندى وبلىسى قوعامدىق دەنساۋلىق ساقتاۋ ۇيىمى ٴتوراعاسىنىڭ ورىنباسارى ولگا سميرنوۆا.

سونداي-اق، رەسەيدىڭ ەكى جاسار ازاماتى سەمەن ارزاماسسەۆ ولگەن ەمحانادا جوسپاردان تىس تەكسەرۋ جۇمىستارى اياقتالعانى بەلگىلى بولدى. ماتەريالدار وبلىستىق ىىد-نە جىبەرىلدى. ۆەدومستۆوداعىلار جاعدايدى كەيىنىرەك تۇسىندىرەتىندەرىن مالىمدەدى.

ەستەرىڭىزگە سالا كەتسەك، ەكى جاسار سەمەن ارزاماسسەۆتى اتا-اناسى قالاداعى tiny dent ٴتىس اۋرۋحانالارىنىڭ بىرىنە ەمدەتۋ ٴۇشىن الىپ كەلەدى. انەستەزيا ينەكسياسىنان كەيىن بالانىڭ جاعدايى ناشارلاي باستايدى. اتا-اناسىنىڭ ايتۋىنشا، انەستەزيولوگ-رەانيماتولوگ پرەپاراتتى تامىر ارقىلى سالماس بۇرىن، اللەرگياعا سىناما جاساماعان.

كەيىن 2016 جىلى وسى دارىگەرگە قارالعان 13 جاسار جانسايا وماروۆانىڭ قايتىس بولعانى بەلگىلى بولدى. جوعارىداعى فاكتىگە سايكەس، دارىگەردىڭ ۇستىنەن قازاقستان مەن رەسەيدە قىلمىستىق ٴىس قوزعالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي