BAQ.kz - Қазақстан жаңалықтары USD 377.62 BAQ.kz - Қазақстан жаңалықтары EUR 426.03 BAQ.kz - Қазақстан жаңалықтары RUB 5.67
استانا:

قاراعاندى تۇرعىنى كورشىسىنىڭ ەگىز بالاسىن بالكوننان لاقتىرىپ، ورتتەن قۇتقاردى

قاراعاندىداعى مايقۇدىقتىڭ 12 ىقشام اۋدانىنداعى كوپ پاتەرلى ۇيلەردىڭ بىرىندەگى پاتەردەن ٴورت شىعىپ، كورشىلەر 3 بالانى قۇتقارعان، دەپ حابارلايدى baq.kz اقپارات اگەنتتىگى.

كەشە قاراعاندى وبلىستىق تجد-عا كوپقاباتتى ۇيلەردىڭ ٴبىرى ورتەنىپ جاتقانى تۋرالى حابارلاما كەلىپ تۇسكەن.

«ٴورت 4-قاباتتاعى پاتەردەن شىققان. پاتەردىڭ ورتەنىپ جاتقانى تۋرالى كورشىلەرى حابارلاعان. سونداي-اق، ولار ورتەنىپ جاتقان پاتەردە بالالاردىڭ بار ەكەنىن ٴبىلىپ، ولاردى قۇتقارۋعا كومەكتەسكەن. 3-قاباتتا تۇراتىن تاحير زاكيزيانوۆ دەگەن ازامات ۇيىنەن كىلەم الىپ شىعىپ، باسقا كورشىلەرىنە تومەندە ساقتىق ٴۇشىن ونى كەرىپ ۇستاپ تۇرۋدى تاپسىرعان. سودان كەيىن ول ٴوز پاتەرىنىڭ بالكونىنان ورتەنىپ جاتقان ۇستىڭگى قاباتقا قاراي ورمەلەپ بارىپ، جىلاپ تۇرعان بالالاردى بىرتىندەپ ورتتەن قۇتقارعان. الدىمەن، قولىنا 2016 جىلى تۋعان قىز بالانى الىپ، تومەنگى قاباتتا تۇرعان ايەلىنە قاراي تۇسىرگەن. سودان كەيىن 2011 جىلى تۋعان ەگىز ۇلدى تومەنگە تۇسىرمەك بولادى. ٴبىراق، ونىڭ ايەلى قورقىپ، بالالاردى كوتەرۋگە شاماسى كەلمەيتىنىن ايتقان. سودان سوڭ ەر ادام ەكى بالانى كەزەك كەزەك تومەندەگى كىلەمگە قاراي لاقتىرعان»، - دەيدى وبلىستىق تجد ٴباسپاسوز قىزمەتىنىڭ جەتەكشىسى جاننا داۋرەنبەكوۆا.

«ٴوزىمنىڭ ەمەس، بالالاردىڭ قاۋىپسىزدىگىن ويلادىم. ۇلدار قاتتى قورقىپ قالعان. ماعان جابىسىپ الىپ، جىبەرمەي قويدى. ەكەۋىن كەزەك كەزەك تومەنگە قاراي تۇسىرۋگە ٴماجبۇر بولدىم»، - دەيدى ٴتاحيردىڭ ٴوزى.

تجد قىزمەتكەرلەرى ٴقازىر ٴتاحيردى ماراپاتقا ۇسىنىپ جاتقاندارىن ايتىپ بەردى.

«ٴورت سوندىرۋشىلەر جەتكەنشە قىراعى كورشىلەر ٴۇش بالانى قۇتقارىپ ۇلگەردى. بالالار قاتتى زارداپ شەكپەدى. ولار «جەڭىل دەڭگەيلى ٴيىس تييۋ» دياگنوزىمەن اۋرۋحاناعا جونەلتىلدى. قۇتقارۋشىلار 15 تۇرعىن مەن ەكى بالانى ٴقاۋىپسىز جەرگە كوشىردى. ٴورتتىڭ شىعۋىنا بالالاردىڭ وتپەن ويناۋى سەبەپ بولعان. ٴقازىر ٴبىز 3 بالانى قۇتقارعان تاير زاكيزيانوۆتى ماراپاتقا ۇسىنىپ جاتىرمىز»، - دەيدى جاننا داۋرەنبەكوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي