قاراعاندى، baq.kz ٴتىلشىسى. ايماقتا 30 گەكتاردان استام جەر ورتەنۋدە. ورتسوندىرۋشىلەر قاتتى جەلدىڭ اسەرىنەن 12 ساعاتتان استام ۋاقىت بويى جالىندى وشىرە الماي جاتىر.
استانا: 
2104 
0
قاراعاندى، baq.kz ٴتىلشىسى. ايماقتا 30 گەكتاردان استام جەر ورتەنۋدە. ورتسوندىرۋشىلەر قاتتى جەلدىڭ اسەرىنەن 12 ساعاتتان استام ۋاقىت بويى جالىندى وشىرە الماي جاتىر.
كەشە تۇننەن بەرى قاراعاندى وبلىسىنىڭ اباي اۋدانى، قۇلايعىر ەلدى مەكەنىنىڭ اۋماعىنداعى دالا جالىنعا ورانعان. جامانجول اۋىلىنان وڭتۇستىككە قاراي 20 شاقىرىم قاشىقتىقتا تۇتانعان ٴورتتى اۋىزدىقتاۋ قيىندىق تۋعىزۋدا. الدىن الا مالىمەتتەر بويىنشا جالىن 30 گەكتاردان استام اۋماققا جايىلىپ كەتكەن.
«28 قازان كۇنى تۇندە كەزەكشى بولىمگە 01 ساعات 50 مينۋتتا اباي اۋدانىندا قۇرعاق ٴشوپتىڭ ورتەنىپ جاتقاندىعى جايلى xابارلاما تۇسكەن. جالىندى اۋىزدىقتاۋعا قاراعاندى وبلىسى توتەنشە جاعدايلار دەپارتامەنتىنىڭ 5 ارنايى تەxنيكاسى مەن 23 ٴورت ٴسوندىرۋشى جۇمىلدىرىلعان»، - دەيدى وبلىستىق توتەنشە جاعدايلار قىزمەتىنىڭ رەسمي وكىلى جاننا داۋرەنبەكوۆا.
ونىڭ ايتۋىنشا، ٴتىلسىز جاۋدى سوندىرۋگە ەرىكتىلەر دە اتسالىسىپ جاتىر. قاتتى جەل مەن جالىننىڭ ۇلكەن اۋماعى ٴورتتى اۋىزدىقتاۋعا كەدەرگى بولۋدا. ٴورتتىڭ قايدان شىققانى ازىرگە بەلگىسىز. قازا بولعاندار مەن زارداپ شەككەندەر جوق.
«قازگيدرومەت» رمك-نىڭ xابارلاۋىنشا بۇگىن ايماقتا جەلدىڭ ۇيىتقۋى سەكۋندىنا 23 مەترگە دەيىن جەتەدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5468
0