BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴىىم: قازاقستاندا 2018 جىلى 38 مىڭ ۇيالى تەلەفون ۇرلانعان 

استانا، baq.kz ٴتىلشىسى. اعىمداعى جىلى ەلىمىزدە 38 مىڭنان استام ۇيالى تەلەفون قولدى بولعان. بۇل جونىندە ورتالىق كوممۋنيكاسيالار قىزمەتىندە وتكەن بريفينگتە قر ىشكى ىستەر مينيسترلىگى كريمينالدىق پوليسيا دەپارتامەنتى باسقارماسىنىڭ باسشىسى نۇرجان راحمەتۋللايەۆ مالىمدەدى.

«وزگەنىڭ مۇلكىن ۇرلاۋ – ٴورشىپ تۇرعان قىلمىستىڭ ٴبىرى بولىپ وتىر. سونىڭ ىشىندە، ۇيالى تەلەفون ۇرلىعى ۇلكەن پروبلەما. سەبەبى، ونى ۇرلاۋ دا وڭاي، ساتۋ دا وڭاي. سونىمەن قاتار، تىركەلمەگەن مۇنداي تەلەفوندار قىلمىس جاساۋ كەزىندە قولدانىلىپ كەلەدى. ياعني، تىركەلمەگەن تەلەفونعا تىركەلمەگەن سيم-كارتانى سالىپ، ونى قاجەتىنشە پايدالانعان سوڭ، لاقتىرا سالادى. بۇل بىررەتتىك تەلەفوندار»، - دەدى ٴىىم وكىلى.

سونىمەن قاتار ول، ٴقازىر بازار نەمەسە قالا كوشەلەرىندە سيم-كارتا ساتۋشىلارى قاپتاپ تۇرعانىن اتاپ ٴوتتى.

«2019 جىلدىڭ 1 قاڭتارىنان باستاپ بۇل زاڭ كۇشىنە ەنگەن سوڭ، ٴبىز ۇيالى تەلەفون ۇرلىعى دەگەن پروبلەمادان اۋلاق بولامىز. بۇل جۇيە ٴبىزدىڭ جۇمىسىمىزدى ەداۋىر جەڭىلدەتەتىن بولادى. وسى جىلدىڭ وزىندە 38 مىڭنان استام ۇيالى تەلەفون ۇرلانىپ، ونىڭ ىشىندە، 13 مىڭ تەلەفون عانا ەسەپتەن شىعارىلدى»، - دەدى راحمەتۋللايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي