ەلىمىزدەگى ەڭ كوپ پارا الاتىن مەملەكەتتىك ورگان انىقتالدى - وقيعا|01 قازان 2018، 12:36
كۋرسى ۆاليۋت وبنوۆليايۋتسيا
استانا:

ەلىمىزدەگى ەڭ كوپ پارا الاتىن مەملەكەتتىك ورگان انىقتالدى

ٴبىر جىل بويى جۇرگىزىلگەن زەرتتەۋدىڭ ناتيجەسىندە وڭىردەردەگى پارانىڭ سوماسىنا دەيىن بەلگىلى بولعان. بۇدان بولەك حالىقارالىق ۇيىمداردىڭ رەيتينگى دە جاريالاندى، دەپ حابارلايدى baq.kz اقپارات اگەنتتىگى ەۋرازيا ٴبىرىنشى ارناسىنا سىلتەمە جاساپ.

تەلەارنانىڭ مالىمەتىنشە، مەملەكەتتىك كىرىستەر دەپارتامەنتى، مەملەكەتتىك ساتىپ الۋ باسقارماسى جانە سانيتارلىق قىزمەت سالاسىنىڭ ماماندارى قاراجات تالاپ ەتۋ جاعىنان كوش باستاپ تۇر.

ۇلتتىق كاسىپكەرلەر پالاتاسىنىڭ اقپاراتىنا قاراعاندا، الماتىنىڭ مەملەكەتتىك كىرىستەر دەپارتامەنتى كاسىپكەرلەردەن 160 مىڭ تەڭگەدەن 700 مىڭعا دەيىن پارا سۇرايدى ەكەن. جوعارىدا اتالعان مەملەكەتتىك ساتىپ الۋ باسقارماسىنىڭ تالابى جوعارى. كوپتەگەن قۇجاتپەن كاسىپكەرلەردىڭ ميىن قاتىرماس ٴۇشىن 500-600 مىڭ تەڭگە اينالاسىندا پارا سۇرايتىن كورىنەدى. انتيرەيتينگتە ٴجيى اتى اتالاتىن قىزمەت ول سانيتارلىق ەپيدەميلوگتار. ولار تەكسەرىستىڭ تىگىسىن دۇرىس جاتقىزۋ ٴۇشىن 400 مىڭ تەڭگەگە دەيىن سۋىرىپ الۋى مۇمكىن.

كاسىپكەرلەر پالاتاسى جۇرگىزگەن زەرتتەۋگە سايكەس الماتى مەن استانا قالاسىنداعى ورگان وكىلدەرى پارا الۋعا ٴجيى باراتىن بولىپ تۇر. ساياساتتانۋشى راسۋل جۇما ۇلى بۇل ىسكە «قوعام دا ٴوز ۇلەسىن قوسۋ كەرەك»، دەيدى.

«مەنىڭشە ەڭ نەگىزگى العىشارت ول - ساياسي ەرىك-جىگەر. سول مەملەكەت بيلىگىنىڭ، قوعامىنىڭ، حالقىتىڭ توزبەۋى. جەمقورلىققا كوز جۇما قاراماي، حالىق – بۇل مەملەكەتتىڭ اقشاسى، قالايشا وعان شەندىلەر، مەملەكەتتىك قىزمەتكەرلەر قول سۇعادى، بۇل «مەنىڭ قالتاما قول سۇققانداي عوي» دەگەن كوزقاراس بولمايىنشا، جەمقورلىقتى جەڭىپ شىعۋ مۇمكىن ەمەس. وكىنىشكە وراي، بىزدە ونداي كوزقاراس قالىپتاسپاعان»، - دەيدى ساياساتتانۋشى راسۋل جۇمالى ۇلى.

جىل ساناپ پارا الۋ مەن بەرۋدىڭ دە جۇيەگە قويىلعان جاڭا نوبايى پايدا بولعان. قوعام بەلسەندىسى مۇرات ابەنوۆ بۇل باعىتتى دا ەسكەرۋىمىز قاجەت دەگەن پىكىردە.

«جەمقورلار وتە ساۋاتتى. جىلدان جىلعا جەمقورلاردىڭ ساۋاتتىلىعى جوعارىلاپ بارا جاتىر. ينتەرنەت ارقىلى بىر-بىرىنە پارا بەرەدى. شەتەلدەن سچەت اشادى، بىزگە كوزگە كورىنبەيتىندەي ارەكەتتەر جاسايدى. ولاردى اشۋ ٴۇشىن جۋرناليستەر دە، قوعام دا ساۋاتتى بولۋى كەرەك، - دەيدى قوعام بەلسەندىسى مۇرات ابەنوۆ.

جەمقورلىقپەن كۇرەس بويىنشا بۇكىلالەمدىك ۇيىمنىڭ دا زەرتتەۋى شىقتى. سوعان سايكەس، قازاقستان 180 مەملەكەتتىڭ ىشىنەن 122 ورىنعا تۇراقتاعان، ۋكراينا – 130، رەسەي -135، وزبەكستان – 157 ورىندا.

«جەمقورلىققا بەيىم 180 مەملەكەت بار ەكەن. سونىڭ ٴ122-شى ورىندامىز. بىزدەگى جاعداي ونشا جاقسى ەمەس سياقتى. ٴبىراق پوست كەڭەستىك ەلدەردىڭ ىشىندە قازاقستان ەڭ ٴتاۋىر جاعدايدا»، - دەيدى ساياساتتانۋشى ٴازىمباي عالي.

جوعارىدا اتالعان قۇزىرلى ورگاندارعا كاسىپكەرلەر مەن حالىقتى قىسپاققا الماي، كەرىسىنشە ماسەلەسىن شەشۋگە قولعابىس تيگىزۋى كەرەك دەگەندى مەملەكەت باسشىسى بىرنەشە قايتارا ەسكەرتكەن ەدى. ٴبىراق ەش وزگەرىس جوق.

«بارلىق سالادا جەمقورلىققا قارسى كۇرەس كۇشەيتىلۋى ٴتيىس. بىرىنشىدەن، ٴتيىستى مونيتورينگ جۇرگىزىپ، مەملەكەتتىك قىزمەت كورسەتۋدى سيفرلىق فورماتقا كوشىرۋ جۇمىستارىن جالعاستىرۋ قاجەت. ەكىنشىدەن، مەملەكەتتىك قىزمەتشىلەردىڭ جالاقىسى جونىندەگى ماسەلەنى شەشۋ كەرەك. ۇشىنشىدەن، باسشىلىقتىڭ جاۋاپكەرشىلىگىن ارتتىرۋ ماڭىزدى»، - دەگەن بولاتىن قر پرەزيدەنتى نۇرسۇلتان نازاربايەۆ.

جەمقورلىق - قوعامدى ىرىتىپ-شىرىتەتىن دەرت دەسەك، ونىڭ ٴتۇپ-تامىرىن زەرتتەپ جۇرگەن ماماندار ٴقازىر پارانى الۋ مەن بەرۋدىڭ تەحنولوگياسى وزگەرگەنىن ايتادى. پاراقورلار ينتەرنەتكە جۇگىنەدى ٴيا بولماسا شەتەلدەن ەسەپ-شوت اشىپ، كوزگە كورىنبەيتىندەي وپەراسيالار جاسايدى. مۇنداي فاكتىلەردى بولدىرماس ٴۇشىن قۇزىرلى ورگاندارعا ۇلكەن وزگەرىس كەرەك سياقتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي