BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بقو-دا ٴۇش ادامدى ولتىرگەن كۇدىكتى ۇستالدى

استانا، baq.kz ٴتىلشىسى. تەرەكتى اۋدانى فەدوروۆكا كەنتىندە شىققان ٴورتتى ٴسوندىرۋ كەزىندە ۇيدەن 3 ادامنىڭ ٴولى دەنەسى تابىلعان. پوليسيا ادامداردى ٴولتىردى دەگەن كۇدىكپەن 45 جاستاعى ەر ازاماتتى تۇتقىندادى. بۇل تۋرالى uralskweek.kz پورتالى حابارلايدى.

كۇدىكتى – 45 جاستاعى ايدارحان مەندىعارين. ٴتارتىپ ساقشىلارىنىڭ پىكىرىنشە، ول الدىمەن ۇيدە 2 ايەل جانە ەر ازاماتپەن اراق ىشكەن. كەيىن ولاردى ولتىرگەن. قىلمىستى جاسىرۋ ماقساتىندا ٴۇيدى ورتەپ جىبەرگەن.

دۇيسەنبى، 24-جەلتوقسان كۇنى پوليسيا اتالعان دەرەكتى راستاپ، كۇدىكتىنى قولعا ٴتۇسىردى.

«21-جەلتوقسان كۇنى ساعات 22:20-دە تەرەكتى اۋدانى فەدوروۆكا كەنتى مەجكولحوزنايا كوشەسىندە شىققان ٴورتتى ٴسوندىرۋ كەزىندە ۇيدەن ەكى ايەل مەن ٴبىر ەر ازاماتتىڭ ٴولى دەنەسى تابىلدى. بقو پوليسيا دەپارتامەنتى مەن ٴبولىم قىزمەتكەرلەرى قىلمىستىڭ ٴىزىن سۋىتپاي 1973-جىلى تۋىلعان ايدارحان مەندىعارين ەسىمدى ازاماتتى تۇتقىندادى»، - دەلىنگەن وبلىستىق پوليسيا دەپارتامەنتى تاراتقان حابارلامادا.

ٴتارتىپ ساقشىلارىنىڭ حابارلاۋىنشا، كۇدىكتى فەدوروۆكا كەنتىندە بولعان ورتتەن كەيىن بىرنەشە ساعاتتان سوڭ قاماۋعا الىنعان.

قر قىلمىستىق كودەكسى «ادام ٴولتىرۋ» بابى بويىنشا سوتقا دەيىنگى تەرگەۋ باستالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي