اتىراۋدا شەكاراشىنى پىشاقتاپ كەتتى

فوتو: ашық дереккөзден

اتىراۋ وبلىسى. baq.kz. اتىراۋ شەكارا وتريادىنىڭ «سازدى» شەكارا زاستاۆاسىندا كۇدىكتى ادامدى ۇستاۋ بارىسىندا شەكاراشىلار قارۋ قولدانۋعا ٴماجبۇر بولدى.

قر ۇقك شق ٴباسپاسوز قىزمەتىنەن حابارلاعانداي، «جاعالاۋ كۇزەتى» وڭىرلىك باسقارماسىنىڭ اقتوبە شەكارا وتريادىنا قاراستى «سازدى» شەكارا زاستاۆاسىنىڭ اۋماعىندا زاستاۆا باستىعىنىڭ ورىنباسارى باسقارعان شەكارا ناريادى قىزمەتتىك قارۋىن قولدانا وتىرىپ بەلگىسىز ەر ادامدى ۇستادى.

وقيعا 2018 جىلعى 10 قاراشادا بولدى. جاقىن ماڭداعى اۋىلداردىڭ ٴبىرىنىڭ تۇرعىنى «سازدى» شەكارا زاستاۆاسىنا تەلەفون شالىپ، مەملەكەتتتىك شەكارا سىزىعىنىڭ ماڭىنان كۇدىكتى ٴبىر ادامدى بايقاعاندىعى تۋرالى اقپارات بەردى. ايتىلعان جەرگە تەز ارادا شەكارا ناريادى جىبەرىلدى.

«بەيتانىس ادام، يىققابىنىڭ ىشىندە نە بار ەكەندىگىن كورسەتۋ تۋرالى نارياد باسشىسىنىڭ تالابىنا جاۋاپ رەتىندە وعان پىشاق سىلتەپ، جارالاعان. ٴوزىن قورعاۋ ماقساتىندا جانە كۇدىكتىنى قولعا ٴتۇسىرۋ ٴۇشىن شەكارا ناريادىنىڭ باسشىسى تابەلدى قارۋىنان وق اتىپ، شابۋىل جاساۋشىنى قۇلاتقان. ۇستالعان ادامعا قيعاش اۋىلىنىڭ فەلدشەرى العاشقى دارىگەرلىك كومەك كورسەتكەننەن كەيىن، ٴارى قاراي شەكارا ناريادى ونى قۇرمانعازى اۋداندىق ەمحاناسىنا مەديسينالىق كومەك كورسەتۋ ٴۇشىن الىپ كەتتى»، - دەلىنگەن حابارلامادا.

جارالى وفيسەردىڭ جاعدايى اۋىرلاۋ بولعاندىقتان، سول ماڭداعى ەڭ جاقىن مەديسينالىق مەكەمە، رەسەيدىڭ استراحان وبلىسىنداعى كراسنىي يار ەلدى مەكەنىنىنىڭ اۋرۋحاناسىنا جەتكىزىلىپ، وتا جاسالدى. قازىرگى ۋاقىتتا وفيسەر سول ەمحانانىڭ حيرۋرگيا بولىمىندە. جاعدايى ورتاشا.

بولعان وقيعا تۋرالى قۇقىق قورعاۋ ورگاندارى قۇلاقتاندىرىلدى. تەرگەۋ امالدارى جۇرگىزىلۋدە.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!