استانا-سارىاعاش پويىزىنان 25 زاڭ بۇزۋشىلىق انىقتالدى - وقيعا|01 قازان 2018، 15:12
كۋرسى ۆاليۋت وبنوۆليايۋتسيا
استانا:

استانا-سارىاعاش پويىزىنان 25 زاڭ بۇزۋشىلىق انىقتالدى

فوتو: ҚР ИДМ

كولىك كوميتەتى تەكسەرىسىنىڭ ناتيجەسىندە استانا-سارىاعاش پويىزىنان 25 زاڭ بۇزۋشىلىق انىقتالدى، دەپ حابارلايدى baq.kz اقپارات اگەنتتىگى ۆەدومستۆونىڭ ٴباسپاسوز قىزمەتىنە سىلتەمە جاساپ.

استانادان سارىاعاشقا قاتىنايتىن n85/86 جولاۋشىلار پويىزىن كولىك كوميتەتىنىڭ ٴتوراعاسى اسەت اساۆبايەۆ پەن ٴبىرىنشى سىبايلاس جەمقورلىققا قارسى مەديا-ورتالىق باسشىسى تولەگەن بايعۇلوۆ تەكسەردى.

«تەكسەرىس ناتيجەسىندە پويىزدىڭ قر ۇلتتىق ستاندارتتارىنىڭ تالاپتارىنا ساي كەلمەيتىن 25 فاكت انىقتالدى. اتاپ ايتقاندا، ۆاگون سىرتىنداعى توت باسقان ىزدەر مەن باسقا دا اقاۋلار كوزگە تۇسكەن جانە توسەك ورىن جابدىقتارىنىڭ ستاندارت تالاپتارىنا ساي بولماۋى سىنعا ٴىلىندى. اتاپ ايتقاندا، كىر ماتراس پەن جاستىقتار جانە باسقا دا توسەك جابدىقتار انىقتالعان»، - دەلىنگەن حابارلامادا.

سونداي-اق، جولاۋشىلاردى بيلەتسىز تاسىمالداعان فاكتىلەر دە انىقتالدى.

بۇدان باسقا، تەكسەرۋ جۇرگىزۋشىلەر قاراعاندى قالاسىنا كەلىپ، تەمىرجول ۆوكزالى عيماراتىن قايتا جاڭعىرتۋ جۇمىسىنىڭ بارىسىمەن تانىستى. «قازاقستان تەمىر جولى» ۇك» اق ۆوكزال شارۋاشىلىعى وكىلدەرىنىڭ قاتىسۋىمەن جيىن ٴوتتى. وندا اتالعان كەمشىلىكتەر بويىنشا ٴتيىستى نۇسقاۋ بەرىلدى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي