استانالىق جۋرناليست كىسى قولىنان قازا تاپتى - وقيعا|25 قىركۇيەك 2018، 16:23
كۋرسى ۆاليۋت وبنوۆليايۋتسيا
استانا:

استانالىق جۋرناليست كىسى قولىنان قازا تاپتى

فوتو: Елена Нефедова Facebook парақшасынан

بۇل تۋرالى «كاراۆان» گازەتىنىڭ قىزمەتكەرى ەلەنا نەفەدوۆا facebook پاراقشاسىندا جازدى، دەپ حابارلايدى ۆaq.kz ٴتىلشىسى.

«كەشە استانادا ٴوز ٴۇيىنىڭ كىرەبەرىسىندە جۋرناليست يرينا بەكەتوۆانى ٴولتىرىپ كەتتى. يرينا 10 جىل «قازاقستان تەمىرجولشىسى» گازەتىندە جۇمىس ىستەدى جانە وسىدان 10 كۇندەي بۇرىن نۇر.كز سايتىنا جۇمىسىن اۋىستىرعان بولاتىن.

قايتىس بولعان ٴجۋرناليستىڭ اتا-اناسى – زەينەتكەر جانە ارتىندا 4 بالاسى قالعان. ەلەنا نەفەدوۆا ونىڭ اتا-اناسى كومەك قولىن سوزۋعا شاقىردى.

بۇرىنعى ۇجىمى ونىڭ تۋىستارىنا ماتەريالدىق كومەك كورسەتە المايدى. سەبەبى ول رەسمي تۇردە باسقا باسىلىمدا جۇمىس ىستەپ جاتىر (جاتقان بولاتىن). دوستارى قولدا نە بار، سونى جيناپ بەردى. يرينانىڭ ارتىندا 4 بالاسى قالدى. ولاردىڭ بىرەۋى – مۇمكىندىگى شەكتەۋلى بالا، كۇيەۋى جوق. ال اتا-اناسى – زەينەتكەرلەر. نە ىستەرىن بىلمەي وتىر. ۇلكەن ٴوتىنىش: تۇسىنىستىك تانىتىپ، يرينانىڭ اناسىنىڭ كارتاسىنا اقشا اۋدارايىق. قارتتارعا بۇل اقشا قىزىن جەرلەۋ ٴۇشىن عانا ەمەس، بالالارىنىڭ تاربيەسىنە دە كەرەك بولادى. ەڭ كىشى ەگىزى 5 جاستا»، - دەپ جازىلعان پوستتا.

ەلوردا ٴىىد ٴباسپاسوز حاتشىسى سوفيا قىلىشبەكوۆانىڭ ايتۋىنشا، ٴقازىر قىلمىسقا 34 جاستاعى ازامات كۇدىكتى بولىپ وتىر.

«استانا پوليسياسى 37 جاستاعى جەرگىلىكتى تۇرعىننىڭ ولىمىنە سەبەپ بولاتىنداي قاساقانا اۋىر جاراقاتتاعان 34 جاستاعى كۇدىكتىنى انىقتادى. ونى ۇستاۋعا قاتىستى شارالار قابىلداندى. ٴتيىستى ساراپتامالاردا جاسالىپ جاتىر. سوتقا دەيىنگى تەرگەۋ جۇرگىزىلۋدە»، - دەپ حابارلادى ٴىىد.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي