BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا زەينەتكەر تاكسيدە 6،5 ملن تەڭگەسىن ۇمىتىپ كەتكەن

فوتو: ашық дереккөзден

استانا، baq.kz. 70 جاستاعى زەينەتكەرگە تاكسيدە ۇمىتىپ كەتكەن 6،5 ملن تەڭگەسى قايتارىلدى.

ەلوردالىق پوليسيانىڭ «بايقوڭىر» اۋداندىق ٴىىب حابارلاعانداي، 70 جاستاعى زەينەتكەر ايەل بانكتەگى ەسەپ شوتىنان قوماقتى قاراجات شەشىپ الىپ، سوسىن تاكسيگە وتىرادى. دىتتەگەن جەرىنە جەتكەن سوڭ سول كولىكتىڭ ارتقى ورىندىعىندا بار اقشاسىن ۇمىتىپ تاستاپ كەتەدى.

زەينەتكەردىڭ ايتۋىنشا، ول قالاداعى بانكتەردىڭ بىرىندە اق ٴتۇستى تاكسيگە وتىرادى. دىتتەگەن جەرىنە جەتكەن سوڭ بىرنەشە مينۋتتان كەيىن ول كولىكتىڭ ارتقى ورىندىعىندا سومكەسىن تاستاپ كەتكەنىن ەسىنە تۇسىرەدى. اتالعان وقيعا بويىنشا زەينەتكەر جەرگىلىكتى پوليسيا قىزمەتىنە شاعىم تۇسىرەدى.

زەينەتكەردىڭ بەرگەن سيپاتتاماسى جانە بەينەباقىلاۋ كامەرالارى ارقىلى ٴتارتىپ ساقشىلارى جەدەل ىزدەستىرۋ شارالارى ارقىلى كولىك پەن ونىڭ يەسىن تابادى. «حوندا» كولىگىنىڭ جۇرگىزۋشىسى بولىمشەگە جەتكىزىلەدى.

«كولىكتىڭ ارتقى ورىندىعىنان زەينەتكەردىڭ ۇمىتىپ كەتكەن قارجىسى تابىلىپ، يەسىنە قايتارىلدى. جوعالتىپ العان قارجىسىنىڭ قايتا تابىلعانى زەينەتكەردى قاتتى قۋانتتى»، - دەلىنگەن ۆەدومستۆونىڭ حابارلاماسىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي