BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا 82 جاستاعى كەيۋانانى تونادى دەگەن كۇدىكتىلەر ۇستالدى

استانا، baq.kz. زەينەتكەردى تونادى دەگەن كۇدىكپەن 33 جاستاعى ەر ادام مەن 19 جاستاعى بويجەتكەن ۇستالدى. بۇل تۋرالى استانا قالاسى ٴىىد ٴباسپاسوز قىزمەتى حابارلادى.

"قاسكويلەر قىلمىستى كۇندىزگى ۋاقىتتا ەلوردالىق بانك فيليالىنىڭ ٴبىرىنىڭ قاسىندا جاساعان. ولار زەينەتاقى الاتىن كۇنى زەينەتكەرلەردىڭ قاتارىنان قۇربانداردى تاڭداعان. بويجەتكەن بانك عيماراتىندا بولعان كەزدە شوتىنان اقشا الىپ، پالتوسىنىڭ قالتاسىنا سالىپ جاتقان ەگدە جاستاعى ايەلدى بايقاعان. بويجەتكەن ٴوزىنىڭ قۇربانىنىڭ سوڭىنان جۇرگەن. ۇيلەردىڭ اۋلاسىندا ٴوزىنىڭ سىبايلاسىمەن اجەيدىڭ 170 000 تەڭگە سوماسىندا اقشاسىن اشىق تۇردە توناعان" - دەلىنگەن حابارلامادا.

جاسالعان قىلمىس تۋرالى حابارلاما العان كەزدە پوليسەيلەر بەينەباقىلاۋ كامەراسى بويىنشا كۇدىكتى مەن ونىڭ سىبايلاسىن انىقتاعان.

قازىرگى ۋاقىتتا ۇستالعاندار استانا قالاسى پد ۋاقىتشا ۇستاۋ يزولياتورىنا ورنالاستىرىلعان. سوتقا دەيىنگى تەرگەپ-تەكسەرۋ جۇرگىزىلىپ جاتىر. سونداي-اق كۇدىكتىلەردىڭ وسىعان ۇقساس قىلمىستارعا قاتىستىلىعى تەكسەرىلۋدە. وسىنداي ادامداردىڭ زاڭسىز ارەكەتتەرىنەن زارداپ شەككەن ازاماتتاردى بەيبىتشىلىك كوشەسى 19 مەكەنجايىندا ورنالاسقان استانا قالاسى پد جۇگىنۋلەرىن نەمەسە 8 (7172) 71-61-51; 8-702-999-64-24 تەلەفوندارىنا نەمەسە 102 نومىرىنە حابارلاسۋلارىن سۇرايمىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي