BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانا-الماتى باعىتىنداعى ۇشاقتا رەسەيلىك جولاۋشى بۇلىك شىعاردى

فوتو: ашық дереккөзден

الماتى، baq.kz. كولىك پوليسەيلەرى «استانا-الماتى» باعىتىنداعى اۋەرەيسكە ماس كۇيىندە وتىرعان رف ازاماتىن ٴتۇسىرىپ تاستادى.

كولىك پوليسيا دەپارتامەنتىنىڭ مالىمەتىنشە، استانا اۋەجايىنداعى جەلىلىك پوليسيا بولىمشەسىنە «ەير-استانا» اۋەكومپانياسى وكىلدەرىنەن «استانا-الماتى» رەيسىنىڭ بورتىندا قۇقىقبۇزۋشى وتىرعاندىعى جونىندە شاعىم كەلىپ تۇسكەن.

«كولىك پوليسەيلەرى تەكسەرىس جۇرگىزۋ كەزىندە 65 جاستاعى رەسەي فەدەراسياسىنىڭ ازاماتىن انىقتاعان. ىشىمدىك ىشكەن ەر ادام ٴوزىن اگرەسسيۆتى ۇستاعان، جولسەرىكتەردىڭ ەسكەرتپەلەرىن قۇلاعىنا ىلمەي، جولاۋشىلاردىڭ مازاسىن العان. جاعدايدى انىقتاۋ ٴۇشىن ەر ادام رەيستەن ٴتۇسىرىلدى. مەديسينالىق ساراپتاماعا سايكەس ودان ورتاشا دارەجەدە الكوگولدىق ماستىق انىقتالدى»،-دەلىنگەن حابارلامادا.

قۇقىقبۇزۋشىعا قاتىستى اكىمشىلىك حاتتاما تولتىرىلىپ، 5 اەم مولشەرىندە (12025 تەڭگە) ايىپپۇل سالىنعان. جىل باسىنان بەرى ەلىمىزدىڭ اۋە جانە تەمىرجول كولىكتەرىندە كولىك پوليسياسىمەن 51 317 قۇقىقبۇزۋشى اكىمشىلىك جاۋاپقا تارتىلىپتى. ونىڭ ىشىندە ىشىمدىك ٴىشىپ نەمەسە ماس كۇيىندە قوعامدىق ورىندا بولعاندار سانى 6135 ادامدى قۇراعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي