BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اراب امىرلىكتەرىنە زاڭسىز سۇڭقار تاسۋشىلار استانادا ۇستالدى

فوتو: shekaraknb.kz

استانا قالاسىنىڭ حالىقارالىق اۋەجايىندا ورنالاسقان شەكارا باقىلاۋ-وتكىزۋ بەكەتىنىڭ شەكاراشىلارى اراب جەرىنە 32 سۇڭقاردى زاڭسىز جولمەن اكەتۋگە تىرىسقانداردىڭ جولىن كەستى، دەپ حابارلايدى baq.kz ٴتىلشىسى.

بۇل تۋرالى قر ۇقك شەكارا قىزمەتىنىڭ ٴباسپاسوز ورتالىعى مالىمدەدى.

شەكارا قىزمەتىنىڭ حابىرلاۋىنشا، «استانا - شارجى» باعىتىمەن ۇشقالى تۇرعان g9-252 رەيسىنە جۇك تيەۋ جۇمىستارى جۇرگىزىلىپ جاتقان كەزدە شەكاراشىلاردىڭ نازارىن قوماقتى 4 سومكە ەرىكسىز اۋداردى.

"سىرت كوزبەن قاراعاندا الگى سومكەلەردىڭ تىركەۋ «جاپسىرمالارىنىڭ» (بيركا) جوق ەكەندىگى بايقالدى. شەكاراشىلار سومكەلەردى اشىپ، تەكسەرۋ كەرەكتىگىن تالاپ ەتتى. ال تەكسەرۋ كەزىندە سومكەلەردەن ٴبىر ەمەس باقانداي 32 دانا سۇڭقار شىعا كەلگەندە تۇرعانداردىڭ تاڭدانىسىندا شەك بولمادى" - دەيدى ٴباسپاسوز قىزمەتكەرلەرى.

ال، ەلىمىزدەن جات ەلگە جولدانعان سۇڭقارلاردىڭ قازىرگى باعامەن ورتاشا قۇنىن ەسەپتەگەندە ارتىق-كەمى جوق 380 000 000 تەڭگەدەن اسىپ جىعىلدى. ونىڭ ۇستىنە اتالعان جىرتقىش قۇستاردىڭ الەمدە سيرەك كەزدەسەتىندىگىن دە قوسىپ قويىڭىز.

اتالعان دەرەك بويىنشا قۇقىققورعاۋ ورگاندارى حابارلاندىرىلىپ، ارنايى جۇمىستار جۇرگىزىلىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي