BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەدەگى مەكتەپتە توبە وپىرىلىپ، 9 بالا اۋرۋحاناعا جەتكىزىلدى

فوتو: © Әсел Абат, BAQ.KZ

اقتوبە، baq.kz ٴتىلشىسى. اقتوبە قالاسىنداعى №40 ورتا مەكتەپتە توبە وپىرىلىپ، 9 بالا وبلىستىق بالالار اۋرۋحاناسىنا جەتكىزىلدى. زارداپ شەككەن بالالاردى تراۆماتولوگ جانە نەيروحيرۋرگ دارىگەرلەر قاراعان. توتەنشە جاعدايعا وراي اقتوبە قالاسى اكىمدىگى جانىنان شۇعىل كوميسسيا قۇرىلدى.

توتەنشە جاعداي اقتوبە قالاسىنداعى №40 ورتا مەكتەپتە تۇستەن كەيىن ورىن الدى. مەرەكەلىك كونسەرتكە دايىندالۋعا جينالعان وقۋشىلار كيىمدەرىن اۋىستىرىپ جاتقاندا ۇستەرىنە بولمەنىڭ توبەسى وپىرىلعان. 9 بالا جەدەل جاردەم كولىگىمەن اقتوبە وبلىستىق بالالار اۋرۋحاناسىنا جەتكىزىلدى. زارداپ شەككەن جەتكىنشەكتىڭ تورتەۋىن اۋرۋحانانىڭ تراۆموتولوگ-دارىگەرى ادىلبەك وماروۆ تەكسەرگەن. ونىڭ سوزىنشە، بالالاردىڭ جاعدايلارى قالىپتى. يىق بۋىندارىن، اياقتارىن اۋىرتىپ العان تورتەۋى اتا-انالارىمەن بىرگە ۇيلەرىنە قايتارىلدى. وقيعانىڭ قالاي بولعانىن ايتىپ بەردى.

Ақтөбедегі мектепте төбе опырылып, 9 бала ауруханаға жеткізілді

Ақтөбедегі мектепте төбе опырылып, 9 бала ауруханаға жеткізілді

«توبەدە تەسىك بولدى. سىنىپ كەتكەن سوڭ بارلىعى بىردەي قۇلادى. جارىق شام ۇستىمىزگە ٴتۇستى. بەك دەگەن بالا استىندا قالدى. يىعىمدى اۋىرتىپ الدىم. كەيبىر بالالاردىڭ باستارىنا ٴتيدى. دارىگەر قارادى جاڭا»،-دەدى №40 ورتا مەكتەپتىڭ 6-سىنىپ وقۋشىسى ايىمبەك قۇلاتايەۆ.

"تۇسكى ساعات 2-گە تامان حابار كەلدى. بالاڭىزدى اۋرۋحاناعا الىپ كەتتى دەگەن. شۇعىل جەتتىم. ٴوزىم جۋىردا وتا جاساتىپ، اۋرۋحانادان شىققان ەدىم. بالامنىڭ يىعى ٴىسىپ تۇر. دارىگەرلەر 2 اپتا بويى دەنە شىنىقتىرۋ ساباعىنا قاتىسپاسىن دەدى. دەمەك، ٴقاۋىپتىڭ بولعانى عوي. مەكتەپ باسشىلارى جاۋاپكەرشىلىكتى سەزىنەدى مە ەكەن وزدەرى؟!"،-دەيدى اتا-انا الماگۇل اباتوۆا.

Ақтөбедегі мектепте төбе опырылып, 9 бала ауруханаға жеткізілді

ال، قالعان بەس بالانى نەيروحيرۋرگ-دارىگەرى باقىلاۋىنا العان. وقۋشىلاردىڭ ومىرلەرىنە ٴقاۋىپ جوق.

«9 بالا بىزگە جەتكىزىلدى. ۇستەرىنە توبەدەن بەلگىسىز زات قۇلاعان. بەسەۋىن مەن قاراپ، تەكسەرۋدى جالعاستىرىپ جاتىرمىز. باس-مي جاراقاتىن انىقتاۋ ٴۇشىن رەنتگەنوگرافياعا جىبەردىك. جالپى بالالاردىڭ جاعدايلارى قالىپتى، تەك سوققى العان جەرلەرىنە اۋىرسىنىپ تۇر. ومىرلەرىنە ٴقاۋىپتى كورسەتكىشتەر جوق. اۋرۋحاناعا جاتقىزۋ، جاتقىزباۋ ماسەلەسى تولىق مەديسينالىق تەكسەرىستەن كەيىن انىقتالادى»،-دەدى اقتوبە وبلىستىق بالالار اۋرۋحاناسىنىڭ نەروحيرۋرگ-دارىگەر سامات قوقىشبايەۆا.

وقيعا بولعان №40 ورتا مەكتەپتىڭ ديرەكتورى دا، ونىڭ ورىنباسارلارى دا تۇستەن كەيىن ورىندارىندا بولمادى. ال، توبەسى قۇلاعان ەر بالالاردىڭ كيىم اۋىستىراتىن بولمەسى. بولمەنىڭ توبەسى تۇگەل وپىرىلىپ تۇسكەن. ابىروي بولعاندا قۇلاعان ماتەريال قاتتى ەمەس. گيپستى كارتوننان جاسالعان. توتەنشە جاعدايعا وراي اقتوبە قالاسى اكىمىنىڭ ورىنباسارى يبرايم كوزدىبايەۆ شۇعىل كوميسسيا قۇردى. كوميسسيا قۇرامىندا 10 ادامى بار.

«توبەسى قۇلاعان بولمەنىڭ كولەمى 12 شارشى مەتردى قۇرايدى. توبەنىڭ ماتەريالى قۇلاعان. 2009 جىلى سالىنعان مەكتەپ ەكەن. شۇعىل كوميسسيا قۇرىلىپ، ٴقازىر جۇمىس جاساپ جاتىرمىز. مەكتەپ باسشىلارى، زارداپ شەككەن بالالارمەن كەزدەسىپ، سويلەسەمىز،. زەرتتەۋ جۇمىستارى اياقتالىسىمەن قورىتىندىنى جاريالايمىز»،-دەدى اقتوبە قالاسى اكىمى اپپاراتىنىڭ اسكەري جۇمىلدىرۋ جۇمىسى، ازاماتتىق قورعانىس جانە توتەنشە جاعدايلار ٴبولىمىنىڭ باسشىسى بەكبولات نۇراشەۆ.

ٴبىلىم مەكەمەسى 9 جىل بۇرىن پايدالانۋعا بەرىلگەن. ٴقازىر قۇرىلىسىن جۇرگىزگەن مەردىگەر مەكەمەنى انىقتاۋ جۇمىستارى ٴجۇرىپ جاتىر. بەكبولات نۇرىشەۆ زەرتتەۋ جۇمىستارىنىڭ ەرتەڭگە دەيىن اياقتالاتىنىن ناقتىلادى. ال، توتەنشە جاعداي ورىن العان مەكتەپتە زاۋىت پوليسيا ٴبولىمىنىڭ قىزمەتكەرلەرى دە جۇمىس جاساپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي