BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا جەدەل جاردەم جۇرگىزۋشىسىنە وق اتىلدى

الماتى، baq.kz. الماتىدا جەدەل جاردەم جۇرگىزۋشىسىنىڭ بەتىنە وق اتىلدى. بۇل تۋرالى قالالىق دەنساۋلىق ساقتاۋ باسقارماسىنىڭ ٴباسپاسوز قىزمەتى حابارلادى.

الماتىدا «103» قىزمەتىنىڭ 7/31 جەدەل جاردەم بريگاداسىنىڭ ماماندارى كومەك كورسەتۋ كەزىندە شابۋىل جاسالعان. 11 جەلتوقساندا «103» پۋلتىنە حابار ٴتۇستى. فەلدشەر ناۋقاستى ۇيدە قاراپ جاتقان ۋاقىتتا جەدەل جاردەم جۇرگىزۋشىسى كولىكتە وتىرعان.

«كۋاگەرلەردىڭ ايتۋىنشا، شامامەن 20:00-دە بەلگىسىز ٴبىر جىگىت جەدەل جاردەم كارەتاسىنىڭ جۇرگىزۋشىسىنە كەلىپ، كولىكتى ٴۇيىنىڭ الدىنداعى تۇراقتان الىپ تاستاۋىن سۇراعان. فەلدشەر مەن ناۋقاستى كۇتىپ وتىرعان جۇرگىزۋشى ورنىنان كەتىپ قالا الماعان، سونداي-اق اۆتوكولىك باسقا دا اۆتوموبيلدەردىڭ جول قوزعالىسىنا ەش كەدەرگى كەلتىرمەگەن. جىگىت ۇيىنە كىرىپ كەتىپ، قايتا شىعىپ جەدەل جاردەم جۇرگىزۋشىسىنە جاقىنداپ جۇرگىزۋشىنىڭ بەتىنە گازبەن اتىلاتىن تاپانشادان بەتىنەن اتقان. جۇرگىزۋشىنىڭ بەتى كۇيىپ، ٴار ٴتۇرلى جاراقات العان»، - دەدى الماتى دەنساۋلىق ساقتاۋ باسقارماسىنىڭ وكىلدەرى.

فەلدشەر ناۋقاسپەن بىرگە ارنايى كولىككە كەلگەندە جۇرگىزۋشىگە العاشقى كومەك كورسەتكەن. قاجەتتى كومەك كورسەتكەننەن كەيىن قوسىمشا تاعى «103» پۋلتىنە حابارلاسىپ، ەكى بريگادا جىبەرۋىن سۇراعان. ۆەدومستۆوداعىلار شابۋىل جاساعان ەر ادام مەن كۋاگەر جۇرگىزۋشىگە كومەك كورسەتپەگەنىن ايتادى.

زارداپ شەككەن ەر ادامنىڭ ٴحالى اۋىر بولعاندىقتان ونى № 4 قالالىق اۋرۋحاناعا جەتكىزىلدى. وعان بەتى مەن مويىنى i-ii دارەجەلى حيميالىق كۇيىپ قالۋ دياگنوزى قويىلدى. قازىرگى ۋاقىتتا ونىڭ جاعدايى ورتاشا دەڭگەۋلى اۋىر دەپ باعالانادى.

«شىنىمەندە ٴبىزدىڭ ارىپتەسىمىز ٴوز مىندەتىن اتقارۋ كەزىندە زارداپ شەكتى. وسى دەرەككە قاتىستى مالىمەتتەر قۇقىق قورعاۋ ورگاندارىنا قر زاڭناماسىنا ساي شارا قولدانۋ تۋرالى مالىمەتتەر جىبەرىلدى. بۇل ٴبىرىنشى جاعداي ەمەس. جۇرگىزۋشى دە دارىگەرلەر دە از ۋاقىتتىڭ ىشىندە ناۋقاسقا الدىن الا دياگنوز قويىپ، قاجەتتى كومەكتەسۋ ٴۇشىن جانتالاسىپ جۇرەتىنىن ەسكەرۋ قاجەت. سول سەبەپتى قالا تۇرعىندارىنان ٴوز مىندەتىن اتقارىپ، كومەك كورسەتىپ جۇرگەنى دارىگەرلەردىڭ جۇمىسىنا قۇرمەتپەن قاراۋعا شاقىرامىن»، - دەدى دەنساۋلىق ساقتاۋ باسقارماسىنىڭ باسشىسى قانات توسەكبايەۆ.

2013 جىلى جەدەل جاردەم قىزمەتكەرلەرىنە ەكى رەت شابۋىل جاسالدى، 2014 جىلى - 3 جاعداي، 2015 جىلى - 4 جاعداي (ولاردىڭ ەكەۋىندە جەدەل جاردەم قىزمەتكەرلەرى اۋىر حالدە اۋرۋحاناعا جەتكىزىلدى)، 2016 جىلى - 1 جاعداي، 2018 جىلى - 5 جاعداي.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي