BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا تانىمال ادۆوكاتتىڭ ايەلى 7-قاباتتاعى بالكوننان سەكىرىپ كەتتى

بۇعان دەيىن جەلىدە 39 جاستاعى ناتاليا ياكوۆلەۆانىڭ اياق استىنان جوعالىپ كەتكەنى تۋرالى اقپارات تاراعان. ول - الماتىلىق تانىمال ادۆوكات الەكسەي بالاكيننىڭ جارى، دەپ حابارلايدى ۆaq.kz اقپارات اگەنتتىگى.

ادۆوكاتتىڭ دوستارى facebook ارقىلى جوعالعان ايەلدى تابۋعا كومەكتەسۋدى سۇراعان. ولار ناتاليانىڭ جوعالۋىن كۇيەۋىنىڭ قىزمەتىمەن بايلانىستىردى، دەپ جازادى «newtimes.kz» پورتالى.

دوستارى ايەلدى ٴۇيىنىڭ قاسىنداعى تۇراقتا تۇرعان كولىكتەن ۇرلاپ كەتتى دەگەن اقپارات تاراتتى. ول كەزدە كۇيەۋى ٴبىر شارۋامەن بىرنەشە مينۋتقا كولىكتەن ٴتۇسىپ كەتكەن. الەكسەي قايتىپ كەلسە، ايەلى كولىكتە جوق بولادى. ۇيالى تەلەفونى ٴسوندىرۋلى. سودان سوڭ ول تۋىستارى مەن دوستارىنا، سونداي-اق پوليسياعا حابارلاسادى.

الماتى ىىد-دە ناتاليا ياكوۆلەۆانىڭ جوعالۋ فاكتىسىنە قاتىستى تۇسىنىكتەمە بەردى. كۇيەۋى حابارلاسقاننان كەيىن بىرنەشە ساعات وتكەن سوڭ برۋسيلوۆسكيي كوشەسىنىڭ بويىندا ورنالاسقان كوپ قاباتتى ٴۇيدىڭ اۋلاسىنان ن. ياكوۆلەۆانىڭ ٴمايىتى تابىلدى. ونىڭ دەنەسىندە ەشقانداي زورلىق بەلگىلەرى بولماعان.

«باقىلاۋ كامەرالارىنداعى دەرەكتەرگە سۇيەنسەك، ايەل جالعىز ٴوزى ۇيگە كىرىپ، ليفتكە مىنگەن. كەيىن جەتىنشى قاباتتىڭ پودەزىندەگى بالكوننان قۇلايدى»، - دەپ ناقتىلادى پوليسيا وكىلدەرى.

قۇقىققورعاۋ ورگاندارىنىڭ حابارلاۋىنشا، سوت-مەديسينالىق ساراپتاما ٴجۇرىپ جاتىر.

الەكسەي بالاكيننىڭ دوستارى مەن ارىپتەستەرى سۋيسيد بولۋى مۇمكىن دەگەنگە سەنبەيدى. ولار قايتىس بولعان ايەلدىڭ وتباسىن ۇلگىلى دەپ ەسەپتەيدى. وتباسىندا ەشقانداي پروبلەما بولماعان.

ناتاليا ياكوۆلەۆانىڭ ارتىندا كىشكەنتاي ەكى بالاسى قالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي