BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا پوليسيا باسشىسىنىڭ ورىنباسارى پارا الدى دەگەن كۇدىككە ٴىلىندى

استانا، baq.kz ٴتىلشىسى. الماتى قالاسى پوليسيا دەپارتامەنتىنىڭ الاتاۋ اۋداندىق پوليسياسى باسقارماسىنىڭ تەرگەۋ ٴبولىمى باستىعى ورىنباسارى مەن اتالعان ٴبولىمنىڭ تەرگەۋشىسى 2 ملن تەڭگە كولەمىندە پارا الدى دەگەن كۇدىككە ٴىلىندى. بۇل تۋرالى قر مەملەكەتتىك قىزمەت ىستەرى جانە سىبايلاس جەمقورلىققا قارسى ۇلتتىق ٴىس-قيمىل اگەنتتىگىنىڭ رەسمي وكىلى جاننا باستاروۆا ٴمالىم ەتتى.

«وسى جىلدىڭ 21-قاراشاسىندا مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ 1424 call ورتالىعىنا الماتى قالاسىنىڭ پوليسيا دەپارتامەنتىنىڭ الاتاۋ اۋداندىق پوليسياسى باسقارماسىنىڭ تەرگەۋ ٴبولىمى باستىعى ورىنباسارىنىڭ جانە وسى باسقارمانىڭ تەرگەۋشىسىنىڭ تاراپىنان زاڭسىز ارەكەتتەر جونىندە ٴبىر ازاماتتىڭ شاعىمى كەلىپ ٴتۇستى»، - دەدى رەسمي وكىل بريفينگتە.

جاننا باستاروۆانىڭ ايتۋىنشا، ٴدال سول كۇنى الماتى قالاسىنىڭ سىبايلاس جەمقورلىققا قارسى قىزمەتىمەن وسى فاكتى نەگىزىندە اتالعان لاۋازىمدى تۇلاعالارعا قاتىستى سوتقا دەيىنگى تەرگەۋ باستالعان.

«ولار كۇدىكتىگە قاتىستى قاماۋدا ۇستاۋ تۇرىندەگى بۇلتارتپاۋ شاراسىن قولدانباۋ ٴۇشىن كۇدىكتىنىڭ جۇبايىنان 2 ملن تەڭگە سوماسىنداعى پارا الدى دەپ كۇدىكتەلۋدە. كىناسىن تولىق مويىنداۋىنا بايلانىستى كۇدىكتىلەرگە قاتىستى پروسەستىك ۇستاۋ قولدانىلعان جوق. تەرگەۋ جالعاسۋدا»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي