538 
0
الماتى. baq.kz ٴتىلشىسى. جىل باسىنان بەرى الماتى پوليسيا قىزمەتكەرلەرى سينتەتيكالىق ەسىرتكى زاتتارىن سادالاپ جۇرگەن 300-گە جۋىق ازاماتتى ۇستاپ، 80 كەلىگە جۋىق ەسىرتكى زاتىن تاركىلەندى. بۇل تۋرالى الماتى قالاسى ٴىىد-نىڭ رەسمي وكىلى سالتانات ازىربەك «نۇر وتان» پارتياسىنىڭ قالالىق فيليالىندا وتكەن بريفينگتە ٴمالىم ەتتى.
جيىن بارىسىندا ول، ٴقازىر ەسىرتكى ساۋداسى وتە وزەكتى بولىپ وتىرعاندىقتان الماتى قالالىق ٴىىد وعان قارسى كۇرەستە ٴجىتى نازار اۋدارىپ وتىرعاندىعىن جانە الداعى ۋاقىتتا قالاداعى وقۋ ورىندارىندا ٴتۇسىندىرۋ جۇمىستارى جۇرگىزىلەتىندىگىن جەتكىزدى.
«سينتەتيكالىق ەسىرتكى زاتتار ٴقازىر قوعامداعى وزەكتى ماسەلەگە اينالىپ وتىر. ويتكەنى كەلەشەك ۇرپاعىمىز تەرىس قىلىقتارعا بوي الدىرۋدا. جاس ۇرپاقتى ەسىرتكى زاتتارىنان اۋلاق ۇستاۋ ٴۇشىن قالا اكىمىنىڭ تاپسىرىسىمەن «نۇر وتان» پارتياسىنىڭ الماتى قالالىق فيليالىنىڭ قولداۋىمەن جاستار اراسىندا ٴتۇسىندىرۋ جۇمىستارىن قولعا الىپ وتىرمىز. وقۋ ورىندارىنىڭ بارلىق ساناتتارىندا ٴتۇسىندىرۋ جۇمىستارى جۇرگىزىلەدى. ارنايى ٴتۇسىندىرۋ ناۋقانى باستالدى»، -دەيدى ول.
سونىمەن قاتار ول، اتا-انالار دا بالاسىنىڭ نەمەن اينالىسىپ جۇرگەنىن ۇنەمى باقىلىپ وتىرۋعا شاقىردى. ويتكەنى ٴقازىر ەسىرتكى ساۋدالاۋشىلار جاسوسپىرىمدەردى ازداعان اقشا بەرىپ، ەسىرتكى زاتتارىن ساتىپ الۋشىلارعا جەتكىزىپ بەرۋگە پايدالانادى ەكەن.
«بۇگىن تاڭعى بەستەر شاماسىندا مەدەۋ اۋدانىندا «نۇر وتان» پارتياسىنىڭ وكىلدەرىمەن بىرلەسە وتىرىپ ەسىرتكى زاتىن ساتىپ العان ازاماتتى قولعا تۇسىردىك. ەر ازامات وسىنداي قىلمىس بويىنشا بۇرىن جاۋاپكەرشىلىككە تارتىلعان بولىپ شىقتى. ول 5 مىڭ تەڭگەگە وزىنە قاجەتتى ەسىرتكى زاتتارىن ساتىپ العان. قازىرگى تاڭدا وسى ەسىرتكى زاتىن ساۋدالاعان جانە ونى ٴدال سول ورىنعا اپارىپ تىققان ادامداردى انىقتاۋ ۇستىندەمىز»، -دەدى ول.
سونداي-اق ول، تەحنولوگيا دامىعان سايىن ەسىرتكى زاتىن ساۋدالاۋشىلار دا جاڭا تاسىلدەرگە كوشكەن. بۇرىن ساتىپ الۋشىلارمەن تەلەفون ارقىلى تىكەلەي بايلانىسىپ جۇرسە، ٴقازىر سايتتار مەن مەسەندجەرلەر ارقىلى ساۋدالايتىن بولعان.
«جىل باسىنان بەرى الماتى قالاسىنىڭ پوليسەيلەرى ەسىرتكى زاتتارىن ساۋدالاعان 80-نەن اسا ارنايى سايت پەن مەسەندجەرلەردى اشكەرەلەپ، ولاردىڭ جولىن كەستى. ال جالپى قازاقستان بويىنشا 1133 سايتقا توسقاۋىل قويىلدى»، -دەدى س. ازىربەك.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
USD 377.62 
EUR 426.03 
RUB 5.67 
كىرۋ
استانا: 
1372
0