الماتىدا اسكەري سوعىس تەحنيكالارى ساتىلا باستادى - وقيعا|09 قاڭتار 2013، 15:21
كۋرسى ۆاليۋت وبنوۆليايۋتسيا
استانا:

الماتىدا اسكەري سوعىس تەحنيكالارى ساتىلا باستادى

استانا. 9 قاڭتار. baq.kz-الماتىنىڭ ماڭىندا ورنالاسقان اسكەري قويمادان اسكەري سوعىس تەحنيكاسىن حابارلاندىرۋ ارقىلى ساتىپ الۋعا بولادى. 200 بىرلىكتەن استام اسكەري كولىكتەردىڭ قاتارىندا تارتىمدىلىعى وراسان جۇك كولىكتەرى مەن بببم (بروندالعان بارلاۋ-باقىلاۋ ماشيناسى) دا بار، دەپ جازادى قازتاگ «كولەسا» گازەتىنە بەرىلگەن حابارلامالارعا سۇيەنە وتىرىپ.


«ٴبىز كۇردەلى جوندەۋدەن وتكەن اسكەري تەحنيكانى ساۋداعا شىعاردىق. ونىڭ ىشىندە بببم-دا بار. گاز-66 اسكەري جۇك ماشيناسى ورتاشا ەسەپپەن 12-14 مىڭ دوللار تۇرادى. بببم قۇنى جاراقتاندىرىلۋىنا بايلانىستى. نەگىزى ولار دا 14-15 مىڭ دوللاردىڭ اينالاسىندا بولادى»، دەپتى تەلەفون ارقىلى اسكەري تەحنيكانى ساۋدالاۋشى.
گازەتتەگى ٴتىزىم بويىنشا قازىرگى كۇنى ساۋداعا شىعارىلعان اسكەري كولىكتەردىڭ قاتارىندا گاز-66، كاماز-4310، زيل-131، ۋرال-4320، ۋرال-375 – بارلىعى 200 بىرلىكتەن استام تەحنيكا بار.
اسكەري مامانداردىڭ ايتۋىنشا، بببم قورعانىش قاپتاماسى اسا قالىڭ ەمەس، دەگەنمەن ٴبىزدىڭ ارنايى جاساقتى قولىندا بار ەشقانداي قارۋ وعى ونى تەسىپ وتە المايتىن كورىنەدى.
ماشينانى جوعارى جىلدامدىعى مەن مانەۆرلىعىنىڭ ارقاسىندا وعان گراناتامەتپەن اتىپ تيگىزۋ دە وڭاي شارۋا ەمەس ەكەن. سونداي-اق، ول جولسىز، ساز-باتپاقتى جەرلەرمەن جۇرۋگە، اۋا رايىنىڭ قولايسىز كەزىندە ساپارعا شىعۋعا تاپتىرمايتىن كولىك.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي