BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتى وبلىسىندا وقۋشىلاردى توناۋمەن اينالىسقان كۇدىكتى ۇستالدى

تالدىقورعان، baq.kz. الماتى وبلىسىندا 35 جاستاعى تۇرعىن مەكتەپ وقۋشىلارىن توناۋمەن اينالىستى دەگەن كۇدىككە ٴىلىندى.

«الماتى وبلىسىنىڭ ىلە اۋدانىندا مەكتەپ وقۋشىسىن تونادى دەگەن كۇدىكپەن ۇستالعان 35 جاستاعى ازاماتتىڭ وسىعان ۇقساس بىرنەشە قىلمىسقا قاتىسى بولۋى مۇمكىن»،- دەپ حابارلايدى الماتى وبلىسى پوليسيا دەپارتامەنتىنىڭ ٴباسپاسوز قىزمەتى.

ٴتارتىپ ساقشىلارى مەكتەپ وقۋشىسىنا قارسى جاسالعان قىلمىستارعا قاتىسى بار ادامدى انىقتاۋعا باعىتتالعان ارنايى جەدەل ىزدەستىرۋ شاراسى بارىسىندا ىلە اۋدانىنىڭ 35 جاستاعى ازاماتتى كۇدىكتى رەتىندە ۇستادى.

«ۇستالعان كۇدىكتى - بۇعان دەيىن وسىعان ۇقساس قىلمىس جاساعانى ٴۇشىن بىرنەشە مارتە سوتتى بولعان ازامات. بۇل فاكتى بويىنشا قر قىلمىستىق كودەكسىنىڭ 191-بابىنىڭ 2-تارماقشاسىنا سايكەس سوتقا دەيىنگى تەرگەۋ امالدارى جۇرگىزىلىپ جاتىر. پوليسەيلەر كۇدىكتىنىڭ وسىعان ۇقساس وزگە دە قىلمىستارعا قاتىسى بارىن تەكسەرۋدە. قازىرگى ۋاقىتتا ونىڭ ەكى توناۋ دەرەگىنە قاتىسى بار ەكەنى دالەلدەنۋدە. ەكى فاكتىدە دە 7-8 سىنىپ وقۋشىلارى زارداپ شەككەن، ولاردىڭ قولدى بولعان ۇيالى تەلەفوندارى ساتىپ الۋشىلاردان تابىلدى جانە تاركىلەندى»،- دەپ اتاپ ٴوتتى پوليسيا وكىلدەرى.

وبلىستىق پوليسيا وكىلدەرىنىڭ ايتۋىنشا، كۇدىكتى اۋداندىق پوليسيانىڭ ۋاقىتشا ۇستاۋ وقشاۋلاعىشىنا قاماققا الىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي