استانا: 
تالدىقورعان، baq.kz. پوليسەيلەر الماتى وبلىسى اۋماعىندا ورنالاسقان ٴىرى كولىك بازارىنىڭ بىرىندە كولىك ساتۋشىنى ٴولتىرىپ، كولىگىن الىپ كەتكەن كۇدىكتىنى ۇستادى. بۇل تۋرالى الماتى وبلىسى پوليسيا دەپارتامەنتىنىڭ ٴباسپاسوز قىزمەتى مالىمدەدى.
ۆەدومستۆونىڭ حابارلاۋىنشا، كۇدىكتى «تويوتا» ماركالى كولىگىن ساتۋعا كەلگەن 26 جاسار ازاماتتى «اقشانى ۇيدە بەرەمىن» دەگەن جەلەۋمەن الداپ، كولىككە نوتاريالدى قۇجات جاساتقان. كولىك بازارىنان شىققاننان كەيىن، ەلسىز جەردە كولىك يەسىن ٴولتىرىپ، ٴمايىتىن جول-جونەكەي جارعا كومىپ كەتكەن.
«تۇركىستان وبلىسىنىڭ تۇرعىنىن ٴولتىرىپ، كولىگىن الىپ كەتكەن بۇعان دەيىن سوتتى بولعان 36 جاستاعى وبلىس تۇرعىنى ۇستالىپ، ۋاقىتشا قاماۋعا الىندى. قازىرگى تاڭدا قر قىلمىستىق كودەكسىنىڭ 99-بابىنا سايكەس سوتقا دەيىنگى تەرگەۋ امالدارى جۇرگىزىلۋدە. بۇل ٴىس وبلىستىق تەرگەۋ باسقارماسىنىڭ وندىرىسىندە»،- دەيدى وبلىستىق پوليسيا وكىلدەرى.
ايتا كەتەيىك، قولدى بولعان كولىك كۇدىكتىنىڭ ۇيىنەن تابىلىپ، تاركىلەندى جانە ٴىس ماتەريالدارىنا ايعاقزات رەتىندە تىركەلدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2274 
0
5542
0