BAQ.kz - Қазақстан жаңалықтары USD 376.4 BAQ.kz - Қазақстан жаңалықтары EUR 427.36 BAQ.kz - Қазақстан жаңалықтары RUB 5.86
استانا:

الماتى وبلىسىندا 44 جاستاعى ەر ادام ٴوزىن جانە ەكى بالاسىن ورتەپ جىبەردى

الماتى وبلىسىنىڭ تۇرعىنى بۇرىنعى ايەلى جانە ەكى بالاسى تۇراتىن ۇيگە ىشىنەن وت قويىپ، سالدارىنان ٴوزى جانە ۇلى مەن قىزى قايتىس بولدى دەپ حابارلايدى baq.kz اقپارات اگەنتتىگى.

جانتۇرشىگەرلىك وقيعا جەلتوقساننىڭ 19-ىنان 20-سىنا قاراعان ٴتۇنى ىلە اۋدانى، وتەگەن باتىر اۋىلىنداعى جاتاقحانادا بولعان. وسىندا 1971 جىلى تۋعان ايەل ٴبىر قىز جانە ٴبىر ۇلىمەن تۇرىپ كەلگەن. كەشە 19 جەلتوقسان - ايەلدىڭ تۋعان كۇنى بولعان. تۇنگە قاراي ونىڭ وسى اۋدانداعى بايسەركە اۋىلىندا تۇراتىن بۇرىنعى كۇيەۋى كەلگەن. كورشىلەرى تۇنگى ساعات ەكى شاماسىندا ايەلدىڭ ەسىگى الدىندا قولىندا كانيستراسى بار ەر ادام تۇرعانىن كورگەن. ٴبىراز ۋاقىتتان سوڭ بولمەدەن ٴورت شىققان.

مالىمەتتەر بويىنشا، ەر ادام بەنزيندى ٴوزىنىڭ ۇستىنە شاشىپ، سوسىن وت قويعان. ايەل باسىندا قاشىپ شىققان. ٴبىراق ىشتەگىلەردى قۇتقارۋ ٴۇشىن قايتادان جۇگىرىپ كىرگەن. ول 1999 جىلى تۋعان قىزىن الىپ شىققان. ٴورت سالدارىنان ەر ادامنىڭ ٴوزى جانە ونىڭ 2005 جىلى تۋعان ۇلى سول جەردە قايتىس بولدى. دەنەسىنىڭ باسىم بولىگى كۇيگەن قىز اۋرۋحاناعا جەتكىزىلگەن. ٴبىراق ول دا بۇگىن تۇستەن كەيىن ەسىن جيماعان كۇيى قايتىس بولدى.

الماتى وبلىستىق ٴىىد رەسمي وكىلى كوبەي نۇراحمەت قايعىلى وقيعا بولعانىن راستادى. ول اتالعان وقيعا بويىنشا ىلە اۋداندىق ىشكى ىستەر باسقارماسى قازاقستان رەسپۋبليكاسى قىلمىستىق كودەكسىنىڭ 99 باپ، 2 تارماعى («ادام ٴولتىرۋ») بويىنشا قىلمىستىق تەرگەۋ باستاعانىن جانە بۇل ٴىس الماتى وبلىستىق ٴىىد تەرگەۋ باسقارماسى باقىلاۋعا العانىن حابارلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي