استانا، baq.kz. «ەرتىس ورمانى» رەزەرۆاتىنىڭ بايىمبەت ورمان شارۋاشىلىعى اۋماعىندا زاڭسىز اڭشىلىققا شىققان ەر ادامعا 3 ملن 403 مىڭ 500 تەڭگە كولەمىندە ايىپپۇل سالىندى. بۇل تۋرالى pavlodarnews.kz سايتى حابارلايدى.
استانا: 
1960 
0
استانا، baq.kz. «ەرتىس ورمانى» رەزەرۆاتىنىڭ بايىمبەت ورمان شارۋاشىلىعى اۋماعىندا زاڭسىز اڭشىلىققا شىققان ەر ادامعا 3 ملن 403 مىڭ 500 تەڭگە كولەمىندە ايىپپۇل سالىندى. بۇل تۋرالى pavlodarnews.kz سايتى حابارلايدى.
«بىلتىر جەلتوقسان ايىندا بەسقاراعاي فيليالىنىڭ قىزمەتكەرلەرى اققۋلى اۋدانى ىشكى ىستەر ٴبولىمى جانە تابيعاتتى قورعاۋ پوليسياسىنىڭ قىزمەتكەرلەرىمەن بىرگە براكونەرلىك فاكتىسىن انىقتادى. 1975، 1965، 1958 جانە 1968 جىلى تۋعان ٴتورت ادام زاڭسىز اڭشىلىقپەن اينالىسقان. ولاردىڭ ٴبىرى شالداي فيليالىنىڭ جۇمىسكەرى. «nissan patrol» اۆتوكولىگىن تەكسەرۋ بارىسىندا بۇلان مەن ەلىكتىڭ تۇتاس ەتى شىقتى. ناتيجەسىندە 5،4 ميلليون تەڭگە شىعىن كەلتىرىلگەن»، - دەيدى وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسىنىڭ باسشىسى قازبەك امەتوۆ.
اققۋلى اۋداندىق سوتىمەن 2018 جىلى ماۋسىم ايىندا بۇل ىسكە قاتىسى بار ادامداردىڭ ىشىندە ٴبىر ازامات كىنالى دەپ تانىلىپ، 1500 اەك كولەمىندە، ياعني 3 ملن 403 مىڭ 500 تەڭگە ايىپپۇل تۇرىندە جازا تاعايىندالعان.
سونداي-اق ەكى جىل اڭشىلىقپەن اينالىسۋعا تىيىم سالىندى. زاڭسىز اڭشىلىقتان الىنعان قارۋ مەن كولىك مەملەكەتتىڭ پايداسىنا قاراي تاركىلەندى.
مەملەكەتتىك ورمان تابيعي رەزەرۆاتى ازاماتتىق تارتىپپەن جانۋارلار دۇنيەسىنە كەلتىرىلگەن 5 ملن 105 مىڭ 250 تەڭگە ماتەريالدىق شىعىندى وتەۋ تۋرالى ارىزبەن جۇگىنگەن. ناتيجەسىندە ونىڭ 1 ملن 701 مىڭ 750 تەڭگەسى تولەنگەن.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5468
0