BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ادۆوكات دەنيس تەندى تاپسىرىسپەن ٴولتىرۋى مۇمكىن ەكەنىن ايتتى

الماتى، baq.kz. الماتىدا سپورتشى دەنيس تەننىڭ ولىمىنە قاتىستى الدىن الا سوت تىڭداۋىندا جابىرلەنۋشى تاراپتىڭ ادۆوكاتى تەننىڭ "تاپسىرىسپەن ولتىرىلگەنىن" مالىمدەپ، ٴىستى قايتا تەرگەۋگە جىبەرۋدى سۇرادى.

ازاتتىقتىڭ جازۋىنا قاراعاندا، ادۆوكات نۇرلان وستەمىروۆ سوتتا قىلمىستىڭ "تاپسىرىسپەن جاسالۋ سيپاتى بارىن" جانە پروسەسسۋالدىق زاڭ بۇزىلدى دەپ سانايتىن ايتتى.

ول قىلمىس جاساعان سىبايلاستاردى انىقتاۋ ٴۇشىن ٴىستى پروكۋراتۋراعا قوسىمشا تەرگەۋگە جىبەرۋدى سۇرايتىنىن مالىمدەدى.

"ٴىس ماتەريالدارىندا كەلتىرىلگەن ايعاقتاردا قاراما-قايشىلىق بار، ول ايعاقتار قىلمىستىڭ تاپسىرىسپەن جاسالعانىن كورسەتەدى" - دەدى نۇرلان وستەمىروۆ.

ادۆوكات بۇعان قوسا سوتقا قىلمىسقا كۇدىكتى ارمان قۇدايبەرگەنوۆ جاساعان ۇرلىقتان زارداپ شەككەن استانالىق تۇرعىن سامار شامشيەۆتى اكەلۋ تۋرالى دا تالاپ-ارىز ٴتۇسىردى.

25 جەلتوقساندا الماتى قالالىق قىلمىستىق ىستەر جونىندەگى مامانداندىرىلعان اۋدانارالىق سوتىندا سپورتشى دەنيس تەننىڭ ولىمىنە قاتىستى الدىن-الا سوت تىڭداۋى باستالدى. وعان سپورتشىنىڭ تۋىستارى، كۇدىكتى جانە كۇدىكتىلەردىڭ جاقىندارى، ادۆوكاتتار، اقپارات قۇرالدارى قاتىسىپ جاتىر. ٴىستى سۋديا كەڭشىلىك ابدەلدينوۆ جۇرگىزىپ جاتىر.

قازاقستاندىق مانەرلەپ سىرعاناۋشى، سوچي وليمپياداسىنىڭ قولا جۇلدەگەرى، ازيا ويىندارىنىڭ چەمپيونى دەنيس تەن 19 شىلدەدە الماتىدا پىشاق جاراقاتىنان اۋرۋحانادا قازا تاپقان. سپورتشى قالا ورتالىعىندا كولىگىنىڭ جانىندا الدەكىمدەر سالعان پىشاق جاراقاتىنان اۋرۋحاناعا جەتكىزىلگەن سوڭ قايتىس بولعان. الدىن-الا دەرەك بويىنشا، ول كولىگىنىڭ ايناسىن ۇرلاعان ادامداردى توقتاتپاق بولعان كەزدە جارالانعان.

تەننىڭ ولىمىنە قاتىستى ىستە ٴۇش كۇدىكتى بار. ولار - نۇرالى قياسوۆ، ارمان قۇدايبەرگەنوۆ جانە جانار تولىبايەۆا. قياسوۆ جانە قۇدايبەرگەنوۆكە قىلمىستىق كودەكستىڭ "بۇزاقىلىق" جانە "ادام ٴولىمى" باپتارى بويىنشا ايىپتار تاعىلعان. ال تولىبايەۆا "قىلمىستى حابارلاماۋ" ايىبى بويىنشا كۇدىككە ىلىنگەن. بۇدان بولەك، ۇشەۋىنە دە ٴوزارا كەلىسىپ "ۇرلىق جاسادى" دەگەن ايىپ تاعىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي