BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

4 ايلىق ٴسابيدى كىم ساباۋى مۇمكىن؟ ول جانساقتاۋ بولىمىندە جاتىر

قاراعاندى، baq.kz ٴتىلشىسى. دەنەسى كوك الا قويداي بولعان بالانى قاراعاندى بالالار كلينيكالىق اۋرۋحاناسىنا جەدەل جاردەم قىزمەتكەرلەرى جەتكىزگەن. تۋىلعانىنا نەبارى 4 اي، 20 كۇن بولعان سابيگە كىمنىڭ، نە سەبەپتى قول كوتەرگەنىن قۇقىق قورعاۋ ورگاندارىنىڭ قىزمەتكەرلەرى انىقتايتىن بولادى. قىلمىستىق ٴىس قوزعالدى.

دارىگەرلەر سوققىعا جىعىلعانىمەن قوسا، اۋرۋحاناعا كوپتەگەن سىرقاتپەن تۇسكەندىگىن ايتادى.

«بالادا جەدەل رەسپيراتورلىق-ۆيرۋستىق ينفەكسيا بار ەكەندىگىن انىقتالدى، سونداي-اق، تىنىس الۋ جولدارى قاتتى قابىنعان. ٴزار شىعارۋ مۇشەسىندە ينفەكسيا بار. ىشەك جۇمىسى دا قالىپتى ەمەس. بالا ٴقازىر جانساقتاۋ بولىمىندە جاتىر»، - دەيدى قاراعاندى وبلىسى دەنساۋلىق ساقتاۋ باسقارماسىنىڭ ٴباسپاسوز حاتشىسى ايجان يسا.

دارىگەرلەر ونىڭ دەنساۋلىعىن ورتاشا دەپ باعالاپ وتىر. ٴقازىر ونىڭ جاعدايى جاقسارىپ كەلەدى. جاقىن كۇندەرى بالانى پالاتاعا اۋىستىرۋ قاراستىرىلىپ جاتىر.

«ٴىس قر قىلمىستىق كودەكسىنىڭ 107 بابى، 2 تارماعىنا ساي تىركەۋگە الىندى. «كامەلەتكە تولماعان ادامعا قاتىستى دەنساۋلىققا قاساقانا اۋىرلىعى ورتاشا دەڭگەيدە زيان كەلتىرۋ» بابى بويىنشا قىلمىستىق ٴىس قوزعالدى»، - دەيدى قاراعاندى وبلىستىق ىشكى ىستەر دەپارتامەنتىنىڭ ٴباسپاسوز حاتشىسى باقىتجان قۇدياروۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي