جولداۋ – بۇگىنگى كۇننىڭ تالاپتارىن ەڭسەرۋ جولىنداعى باعدار

استانا. 14 قاراشا. baq.kz – قازاقستان رەسپۋبليكاسى پرەزيدەنتى نۇرسۇلتان ٴابىش ۇلى نازاربايەۆتىڭ جاڭا ەكونوميكالىق ساياساتتى قامتيتىن «نۇرلى جول – بولاشاققا باعدار» قازاقستان حالقىنا جولداۋىن س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ پروفەسسور-وقىتۋشىلار قۇرامى مەن عالىمدارى جاقسى قابىلدادى.  

جاڭا ەكونوميكالىق ساياسات ەل ەكونوميكاسىنىڭ وسۋىنە، قازاقستاندىقتاردىڭ تۇرمىسىن جاقسارتۋعا، مەملەكەتتىڭ ىشكى ساياسي تۇراقتىلىعىن قولداۋعا ىقپال ەتەدى. مەملەكت باسشىسى جولداۋدا ەلىمىزدىڭ ينفراقۇرىلىمدىق دامۋىنىڭ ايقىن جوسپارىن ۇسىندى. «داعدارىس جاعدايىندا الەمدىك تاجىربيەدەن بايقاپ وتىرعانىمىزداي ەكونوميكالىق ساياساتتا قيتا باعدارلاۋ ٴجۇرىپ جاتىر»، - دەپ مالىمدەدى ول.
ەلباسى جولداۋ مىندەتتەردى اتقارۋ بويىنشا ناقتى جوبالاردى ىسكە اسىرۋعا تاپسىرما بەردى. بۇل جۇكتەلگەن مىندەتتەردى جۇزەگە اسىرۋ بويىنشا س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ عالىمدارى دا تىكەلەي قاتىسادى. ويتكەنى، س.تورايعىروۆ اتىنداعى پمۋ عىلىم مەن ٴوندىرىستىڭ ىقپالداستىعىن ورناتىپ، يننوۆاسيالىق-باعدارلى جوعارى وقۋ ورنى رەتىندە تابىستى قىزمەت ەتىپ كەلەدى. وعان جۋىردا عانا «يننوۆاسيالىق فورساج» يننوۆاسيالىق بيزنەس جوبالاردىڭ رەسپۋبليكالىق بايقاۋىنداعى س.تورايعىروۆ اتىنداعى پمۋ عالىمى، ت.ع.د.، پروفەسسور ٴابىلحان قاراقايەۆتىڭ جەڭىسى دالەل بولا الادى.
قازاقستان رەسپۋبليكاسىنىڭ تۇڭعىش پرەزيدەنتى قازاقستاندىقتار ٴۇشىن جول، تۇرعىن ۇيلەر ۇسىناتىن كولىكتىك-لوگيستيكالىق، يندۋستريالىق ينفراقۇرىلىمدى دامىتۋدىڭ ماڭىزدىلىعى تۋراسىندا قادا ايتتى. بۇل مىندەت-ماقساتتارعا وراي ٴبىزدىڭ عالىمداردىڭ مەيىلىنشە شىعىندى از تالاپ ەتەتىن قۇرىلىس ماتەريالدارىن ٴوندىرۋ بويىنشا جاساعان جوبالارىنىڭ وزەكتىلىگى ارتىپ تۇر. وسىنداي ماڭىزدى جوبالاردىڭ ٴبىرى س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ عالىمى، ت.ع.ك.، پروفەسسور ش.ك.تورپيششەۆتىڭ جولدى بۇركەۋ ٴۇشىن سەمەنتسىز قابىرعالى تاستار، بەتوندى قوسپا، شيكىزاتتىق قوسپالاردى ٴوندىرۋ بويىنشا عىلىمي جوبالارىن اتاپ وتۋگە بولادى.
ٴبىزدىڭ عالىمداردىڭ وزەكتى جاڭا جوبالارى تەحنيكالىق ەرەكشىلىگى جوعارى، تەحنوگەندى قالدىقتاردى پايداعا اسىراتىن جاھاندىق ساپا ستاندارتىنا جاۋاپ بەرەتىن جاڭا ٴداۋىردىڭ ەكولوگيالىق ٴقاۋىپسىز قۇرىلىس ماتەريالدارىن ٴوندىرۋدىڭ وتاندىق تەحنولوگيالارىن تاجىريبەگە ەنگىزۋ مۇمكىندىگىنە يە بولىپ وتىر.
ن.ٴا.نازاربايەۆ ايتۋلى جولداۋدا جاس قازاقستاندىقتارعا ٴبىلىم بەرۋ جانە تاربيەلەۋدىڭ ماڭىزدىلىعىنا ەرەكشە ٴمان بەردى. سونداي-اق، ول جولداۋ مىندەتتەرىن اتقارۋدا جاستاردىڭ ٴرولىن ايىرىقشا اتاپ ٴوتتى. پاۆلودار مەملەكەتتىك ۋنيۆەرسيتەتىندە ەكونوميكا نارىعى تالاپ ەتەتىن جوعارى كاسىبي مامانداردى دايىنداۋ ىسىندە جاڭا ادىستەردى ەنگىزۋ بويىنشا ساپالى ٴبىلىم بەرۋ ٴۇشىن بارىنشا جاعداي جاسالعان. ۋنيۆەرسيتەت ستۋدەنتتىك جاستارىنىڭ رۋحاني-ادامگەرشىلىلىك قاعيداتتارىن بويىنا ٴسىڭىرۋدى، پاتريوتيزم، كاسىبيلىك، جاۋاپكەرشىلىك سىندى اسىل قاسيتەتتەردى قالىپتاستىرۋدى بارىنەن ماڭىزدى سانايدى. بۇگىنگى كۇنى س.تورايعىروۆ اتىنداعى پمۋ ەلىمىزدەگى كوپسالالى جوعارى مەكتەپتەرىنىڭ ۇزدىك بەستىگى قاتارىندا، مۇنىمەن قوسا، ەلىمىز بەن باسقا دا ايماقتارعا ٴوزىنىڭ يننوۆاسيالىق جەتىستىكتەرىمەن اتى ٴماشھۇر بولعان ٴىرى عىلىمي ورتالىق. جوعارى وقۋ ورنى حالىقارالىق ىنتىماقتاستىقتى نىعايتۋ بويىنشا قىرۋار ٴىسستى اتقارىپ كەلەدى. وعان پاۆلودار مەملەكەتتىك ۋنيۆەرسيتەتىنىڭ ەۋروپالىق ۋنيۆەرسيتەتتەر اسسوسياسياسىنا قوسىلۋى ايعاق بولدى.
ايتۋلى باعدارلامالىق قۇجاتتا ٴارقايسىمىز ىسكە اسىراتىن مىندەتتەر بەلگىلەنگەن. ەلباسىنىڭ تاپسىرمالارىن ورىنداۋ بويىنشا ەسەلى جۇمىستاردى اتقارۋ جولىندا ٴار مامان، ٴار ۇجىم ەڭبەگىنىڭ ماقساتىن ايقىنداپ الۋى ٴتيىس. مەملكەت باسشىسىنىڭ جولداۋى – بۇگىنگى كۇننىڭ تالاپتارىن ەڭسەرۋ جولىنداعى ٴوز ۋاقىتىنداعى باعدارى.

س.تورايعىروۆ اتىنداعى
پاۆلودار مەملەكەتتىك ۋنيۆەرسيتەتىنىڭ
رەكتورى س.ومىربايەۆ 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!