جولداۋ اقمولا وبىلىسى اكتيۆىندە تالقىلاندى

استانا. 13 قاراشا. baq.kz - اقمولا وبلىسىنىڭ اكىمى سەرگەي كۋلاگيننىڭ ٴتوراعالىق ەتۋىمەن وبلىس اكتيۆىنىڭ جينالىسى ٴوتتى.وندا مەملەكەت باسشىسى ن.نازاربايەۆتىڭ «نۇرلى جول – بولاشاققا باستار جول» اتتى قازاقستان حالقىنا ارنالعان جولداۋىندا ايتىلعان تاپسىرمالارىن ىسكە اسىرۋ جونىندەگى ٴىس-شارالار جوسپارى قارالدى.

ٴوڭىر باسشىسى العا قويىلعان مىندەتتەردىڭ اۋقىمدىلىعىنا توقتالىپ، «ٴبىزدىڭ مىندەتىمىز ەلباسى جۇكتەگەن تاپسىرمالاردى قىسقا ۋاقىت ىشىندە ورىنداۋ»، – دەپ اتاپ كورسەتتى. وسىعان بايلانىستى، سەرگەي كۋلاگين ٴتيىستى مەملەكەتتىك ورگانداردىڭ باسشىلارىنا ٴبىرقاتار جەدەل تاپسىرمالار بەردى.

وبلىس اكىمى «اتالعان جولداۋدى ىسكە اسىرۋ – ٴوڭىردىڭ جانە تۇتاستاي العاندا ەلدىڭ گۇلدەنۋى ٴۇشىن ٴاربىر باسشىنىڭ جەكە جاۋاپكەرشىلىگىن كۇشەيتەدى. ساپاسىز ورىندالعان ٴىس ٴۇشىن سۇراۋ وتە قاتاڭ بولادى. ٴبىز بىرلەسىپ جۇمىس ىستەۋىمىز كەرەك، بولىنگەن قاراجاتتى ۇتىمدى جانە ٴتيىمدى يگەرۋىمىز قاجەت»، – دەدى.

سونىمەن قاتار، ٴوڭىر باسشىسى ەرەيمەنتاۋ اۋدانىندا جەل ەلەكتر ستانساسىن جانە كوكشەتاۋ قالاسىندا جەو قۇرىلىسىن جۇزەگە اسىرۋعا نازار اۋداردى. سونداي-اق، تۇرعىن ٴۇي كەشەنىن جاڭعىرتۋ، شاعىن جانە ورتا بيزنەستى دامىتۋ، وڭىردە مەكتەپكە دەيىنگى مەكەمەلەردىڭ جەتىسپەۋشىلىگىن جويۋ قاجەتتىلىگىن اتاپ ٴوتتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!