استانا: 
750 
0
استانا. 30 قىركۇيەك. baq.kz – بۇگىن مەملەكەتتىك حاتشى گۇلشارا ٴابدىحالىقوۆانىڭ جەتەكشىلىك ەتۋىمەن قر پرەزيدەنتى جانىنداعى ايەلدەر ىستەرى جانە وتباسىلىق دەموگرافيالىق ساياسات جونىندەگى ۇلتتىق كوميسسيانىڭ كەزەكتى وتىرىسى وتكەن بولاتىن. وتىرىستا ينۆەستيسيا جانە دامۋ ٴمينيسترىنىڭ ٴبىرىنشى ورىنباسارى جەڭىس قاسىمبەك ارنايى بايانداما جاسادى، - دەپ حابارلايدى baq.kz ٴتىلشىسى.
مينيسترلىك ماماندارىنىڭ ۇسىنعان دەرەكتەرىنە سۇيەنسەك، ەلىمىزدە مەملەكەتتىك دەڭگەيدە جۇزەگە اسىرىلىپ جاتقان جوبالارعا ايەلدەردىڭ قوسار ۇلەسى قوماقتى كورىنەدى. ايتالىق، «نۇرلى جول» باعدارلاماسى بويىنشا ونىڭ ىشىندە «باتىس ەۋروپا – باتىس قىتاي» حالىقارالىق ترانزيتتىك ٴدالىزىن سالۋ جوباسىنا 1،5 مىڭ ايەل قاتىسادى. بۇل بارلىق جۇمىس ىستەيتىن ادامدار سانىنىڭ 10 پايىزىنا تەڭ. سونىمەن قاتار، ون ەكى «ساۋلەلىك» اۆتوجول جوبالارىن («ورتالىق - وڭتۇستىك»، «ورتالىق - شىعىس»، «ورتالىق - باتىس» جانە ت. ب.) ىسكە اسىرۋ جوباسىنا جۇمىسقا تارتىلعانداردىڭ 10 پايىزى نەمەسە شامامەن 20 مىڭ ايەل قاتىسادى دەپ جوسپارلانۋدا ەكەن.
ال ٴبىلىم جانە عىلىم مينيسترلىگىنىڭ اقپاراتى بويىنشا «نۇرلى جول – بولاشاققا باستار جول» مەملەكەتتىك باعدارلاماسى اياسىندا ٴبىلىم بەرۋ باعدارلامالارىن جاڭا زەرتحانالىق جابدىقتاردى پايدالانا وتىرىپ وقىتۋ قاراستىرىلۋدا. بۇل ەكونوميكامىزدىڭ قاجەتتىلىكتەرىنە ساي كەلەتىن جوعارى بىلىكتى مامانداردى دايارلاۋعا مۇمكىندىك بەرەتىن تىڭ باستامالار بولىپ تابىلادى.
ايتا كەتەيىك، وتىرىستا «نۇرلى جول – بولاشاققا باستار جول» جاڭا ەكونوميكالىق ساياساتىن ىسكە اسىرۋ اياسىندا ايەلدەر اراسىنان جوعارى بىلىكتى مامانداردى دايارلاۋ ماسەلەلەرى قارالعان بولاتىن.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2434
0