استانا: 
1119 
0
استانا. 14 ناۋرىز. baq.kz - مارتوك اۋدانىندا جول بويىنداعى سەرۆيستى دامىتۋعا 1 ملرد. تەڭگە جۇمسالادى. بۇل تۋرالى «اقتوبە اقپارات» ورتالىعىندا وتكەن ٴباسپاسوز كونفەرەنسياسىندا مارتوك اۋدانىنىڭ اكىمى نۇرجاۋعان قالاۋوۆ حابارلادى.
مارتوك اۋدانىنىڭ اۋماعى ارقىلى حالىقارالىق «باتىس ەۋروپا – باتىس قىتاي» اۆتوموبيل جولى مەن «الماتى - ماسكەۋ» تەمىرجولى ٴوتىپ جاتىر.
- اۋداننىڭ شەكارالاس اۋماقتا ورنالاسۋى جانە دامىعان اۆتوموبيل، تەمىرجول قاتىناستارىنىڭ بولۋى، ٴوڭىردىڭ الەۋمەتتىك-ەكونوميكالىق دامۋىنا وڭ ىقپالىن تيگىزەدى. ماسەلەن، «باتىس ەۋروپا – باتىس قىتاي» اۆتوجولىنىڭ بويىنداعى سەرۆيستى دامىتۋعا اۋقىمدى قاراجات تارتىلىپ جاتىر، ناتيجەسىندە جاڭا جۇمىس ورىندارى اشىلادى، - دەپ اتاپ ٴوتتى اۋدان اكىمى.
مارتوك اۋدانىندا اۆتوماگيسترال بويىنداعى سەرۆيس نىساندارىنىڭ قۇرىلىسىنا 26 جەر تەلىمى ٴبولىندى. قازىرگى ۋاقىتتا 4 تەلىم يگەرىلىپ، كەمپينگ، دامحانا-دۇكەن، ەكى اۆتوگاز قۇيۋ بەكەتى سالىندى.
نۇرجاۋعان قالاۋوۆتىڭ ايتۋىنا قاراعاندا، 2016 جىلى تاعى ەكى كەمپينگ پەن اۆتوگاز قۇيۋ بەكەتى سالىنادى. جالپى، جول بويى سەرۆيستەرى نىساندارىنىڭ قۇرىلىسىنا بولىنگەن جەر تەلىمدەرى 2018 جىلعا دەيىن تولىق يگەرىلەتىن بولادى. مارتوك اۋدانى ارقىلى ٴوتىپ جاتقان حالىقارالىق اۆتوماگيسترال بويىندا 8 اۆتوگاز قۇيۋ بەكەتى، 13 تاماقتانۋ ورنى، 8 قوناق ٴۇي، سونىمەن بىرگە 8 تەحنيكالىق قىزمەت كورسەتۋ بەكەتى سالىنادى دەپ كۇتىلۋدە.
اتالعان نىسانداردىڭ قۇرىلىسىنا، الدىن الا مالىمەتتەر بويىنشا، 950 ميلليون تەڭگەدەن استام قاراجات بولىنەدى. 300 جاڭا جۇمىس ورنى پايدا بولادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2430
0