استانا: 
950 
0
استانا. 8 ٴساۋىر. baq.kz – ەلىمىزدىڭ تۇرعىن ۇي-كوممۋنالدىق شارۋاشىلىق سالاسىنداعى قىزمەتتە وسى ايعا دەيىن اتقارىلعان جۇمىستار كورسەتكىشى بويىنشا، ەلىمىزدە جوسپاردىڭ ورىندالۋى 61 پايىزدى قۇراپ، قارجىلىق قۇنى 36،8 ملرد تەڭگەگە جەتكەن. بۇل تۋرالى «تۇرعىن ۇي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى» اق باسقارما ٴتوراعاسى سەرگەي چايجۋنۋسوۆ مالىمدەدى، - دەپ حابارلايدى baq.kz ٴتىلشىسى.
باسقارما ٴتوراعاسى ٴسوز باسىندا مەملەكەت باسشىسىنىڭ بارشا قازاقستاندىقتارعا ارناعان «نۇرلى جول – بولاشاققا باستار جول» ٴداستۇرلى جولداۋىندا، سۋمەن جانە جىلۋمەن جابدىقتاۋ جۇيەسى، تۇرعىن ۇي-كوممۋنالدىق شارۋاشىلىعى ينفراقۇرىلىمىن جاڭعىرتۋ قاجەتتىلىگىنە ەرەكشە ەكپىن بەرگەنىن ايرىقشا اتاپ ٴوتتى.
– اعىمداعى جىلدىڭ ٴساۋىر ايىنا دەيىنگى جاعداي بويىنشا، تابيعي مونوپوليالار سۋبەكتىلەرىنىڭ ناقتى اتقارعان جۇمىس كولەمى 36،8 ملرد تەڭگەنى قۇرايدى نەمەسە يگەرىلگەنى 61 پايىز. ينجەنەرلىك جەلىلەردىڭ 211،5 شاقىرىمى سالىنعان جانە قايتا قۇرىلىمدالعان: جىلۋمەن جابدىقتاۋ جەلىسى – 143،8 شاقىرىم، جىلۋمەن جابدىقتاۋ جانە سۋ بۇرۋ بويىنشا – 67،7 شاقىرىم، 4 قازاندىق جانە 2 سۋ ستانساسى ىسكە قوسىلىپ، قۇرىلعان جۇمىس ورنى 3 020-عا جەتكەن. وسىلايشا، جەرگىلىكتى اتقارۋشى ورگانداردىڭ 2016 جىلعى 1 قاڭتارىنداعى جاعداي بويىنشا قارجىنى يگەرۋى 60،0 ملرد تەڭگەنى قۇرايدى نەمەسە ورىندالعان جۇمىس كورسەتكىشى 100 پايىز، - دەدى س. چايجۋنۋسوۆ.
ايتا كەتەيىك، جوعارىدا اتالعان باعدارلامانىڭ ارالىق قورىتىندىسى مىناداي دەڭگەيدە: 2015-2016 جىلدارى 258،8 شاقىرىمدى قۇرايتىن جىلۋمەن جانە سۋمەن جابدىقتاۋ نەمەسە سۋ بۇرۋ جۇيەسىن، 14 قازاندىققا قوسا 3 سۋ ستانساسى قۇرىلىسىن سالۋ جانە قايتا قۇرىلىمداۋ جوسپارلانعان كورىنەدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2434
0