BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەڭىس قاسىمبەك جەرگىلىكتى اۆتوجولدارعا بولىنەتىن قارجىنى كوبەيتۋدى ۇسىندى

قر ينۆەستيسيالار جانە دامۋ ٴمينيسترى جەڭىس قاسىمبەك 2017 جىلعى اتقارىلعان جۇمىستاردىڭ قورىتىندىسىنا ارنالعان القا ماجىلىستە جەرگىلىكى ماڭىزى بار جولداردى دامىتۋعا قوسىمشا قارجى ٴبولۋدى سۇرادى، دەپ حابارلايدى baq.kz ٴتىلشىسى.

«بيىلعى جىلدى ناقتىلاۋ ٴۇشىن جەرگىلىكتى جەردەگى اۆتوجولداردى دامىتۋ ٴۇشىن دەپۋتاتتاردان قوسىمشا اقشا ٴبولۋدى جانە قولداۋدى سۇرايمىز. بۇگىندە شامامەن 80 ميللياردتان 90 ميللياردقا دەيىن قارجىلاندىرۋدى جوسپارلاپ وتىرمىز. ەلباسىنىڭ تاپسىرماسى بويىنشا 150 ميلليارد تەڭگەگە دەيىن كوبەيتۋدى قالايمىز»، - دەدى مينيستر.

جەڭىس قاسىمبەك ٴقازىر مينيسترلىكتىڭ اكىمدىكتەرمەن بىرلەسە تەپە-تەڭ 60 ملرد كولەمىندە قارجى ىزدەپ تابۋدى جوسپارلاپ وتىرعانىن ايتتى.

«وسىلايشا جىل سايىن جەرگىلىكتى ماڭىزى بار 4 مىڭ شاقىرىمدىق اۆتوجولداردى جوندەۋدى جوسپارلاپ وتىرمىز. 2020-2022 جىلدارعا قاراي جەرگىلىكتى جولداردىڭ 85%-ىن ساپالى جاعدايعا جەتكىزۋ جوسپاردا بار»، - دەدى ول.

ايتا كەتسەك، 2017 جىلدىڭ قورىتىندىسى بويىنشا «نۇرلى جول» باعدارلاماسى ارقىلى 602 شاقىرىم رەسپۋبليكالىق ماڭىزى بار اۆتوكولىك جولدارى جاڭعىرتىلدى. 2018 جىلى رەسپۋبليكالىق ماڭىزى بار 528 شاقىرىم اۆتوجولدى رەكونسترۋكسيالاۋ جوسپارلانىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي