استانا: 
984 
0
استانا. 19 قازان. baq.kz - «جاستار كادرلىق رەزەرۆى» جوباسىنا بيىل 3 مىڭعا جۋىق ادام قۇجات تاپسىرعان. ٴۇشىنشى كەزەڭگە 32 ازامات جولداما الدى. ولار قر پرەزيدەنتى جانىنداعى مەملەكەتتىك باسقارۋ اكادەمياسى جانە «نۇر وتان» پارتياسى ساياسي مەنەدجمەنت مەكتەبىنىڭ اياسىندا بىلىمدەرىن جەتىلدىرەتىن بولادى.
«جاس وتان» جاستار قاناتىنىڭ ٴتوراعاسى شاحماردان بايمانوۆتىڭ ايتۋىنشا، جوبا جاستارعا مەملەكەتتىك باسقارۋ سالاسىنان مول اقپارات بەرىپ، تۇلعا بوپ قالىپتاسۋعا، ٴبىلىمىن تاجىريبەمەن ۇشتاستىرۋعا ۇلكەن مۇمكىندىك بەرەدى.
«بۇل جوبا جەتى جىلدان بەرى ىسكە اسىرىلىپ كەلەدى. ول - ٴوسۋ جولىندا ٴتيىمدى جوبا. نەگىزىنەن قاتىسۋشىلار كاسىبي جاعىنان ٴوسىپ، ٴوزىن-وزى دامىتۋعا ۇمتىلىپ جۇرگەن مامان رەتىندە قالىپتاسقان ازاماتتار. مۇنىڭ باستى تالابىنىڭ ٴبىرى - قاتىسۋشىلاردىڭ بۇعان دەيىن جەتكەن جەتىستىكتەرى بولۋى كەرەك. سونىمەن قاتار، وزدەرىنىڭ جوباسى بولۋعا ٴتيىس. سونى وقۋ، تاجىريبە بارىسىندا جۇزەگە اسىرا الادى. وقۋ ٴبىر اپتا كولەمىندە استانا قالاسىندا وتەدى. سودان ٴبىز ولاردى ٴتۇرلى ۇلتتىق كومپانيالارعا، مەملەكەتتىك ورگاندارعا، جەكە بيزنەس سەكتورلارىنا تاعىلىمدامادان وتۋگە جىبەرەمىز»، - دەدى ول.
جوبا قاتىسۋشىلارى ٴبىلىم مەن تاجىريبە الۋمەن قاتار، ٴار سالادا قىزىقتى جوبالارىن جۇزەگە اسىرۋدا. جكر-2015 تۇلەگى ەۆگەنيي كوچەتوۆ اعىمداعى جىلى ەلىمىزدىڭ تاريحي كەزەڭىن سيپاتتايتىن «قازاقستاندى وزگەرتكەن سوزدەر» اتتى كىتابىن شىعارعان.
«مەن ٴۇشىن بۇل ەڭ ماڭىزدى جوبالاردىڭ ٴبىرى بولدى. جوبا اياسىندا ٴتۇرلى دارىستەرگە قاتىسىپ، كەرەكتى دۇنيەلەردى بويىما ٴسىڭىردىم. سونىڭ ارقاسىندا ٴوزىمنىڭ العاشقى كىتابىمدى شىعاردىم»،- دەدى ول.
ايتا كەتەيىك، ٴبۇعىن دەيىن اتالمىش جوباعا 10 مىڭنان استام جوعارى ٴبىلىمدى، ماگيستر دارەجەسى جانە 3-5 جىلعا دەيىنگى جۇمىس تاجىريبەسى بار جاس ماماندار قاتىستى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2430
0