جاڭا پورت اقتاۋ تەڭىز پورتىنىڭ جۇگىن جەڭىلدەتپەك

استانا. 10 اقپان. baq.kz - ماڭعىستاۋ وبلىسىندا سالىنىپ جاتقان «قۇرىق» پورتى «اقتاۋ» حالىقارالىق ساۋدا پورتىنا باسەكەلەس بولمايدى. بۇل تۋرالى ورتالىق كوممۋنيكاسيالار قىزمەتىندە يندۋستريا جانە دامۋ مينيسترلىگى سۋ كولىگى باسقارماسىنىڭ باستىعى قاسىم تىلەپوۆ ايتتى. كەرىسىنشە، جاڭا پورت اقتاۋ تەڭىز پورتىنىڭ جۇگىن جەڭىلدەتپەك.  

قۇرىق» پورتى مەن وعان جۇك اپاراتىن «بورجاقتى-ەرساي» جانە «شۋ-الماتى» تەمىر جولدارىنىڭ قۇرىلىسىنا بولىنگەن قارجى تولىق يگەرىلگەن. ياعني 2015 جىلعا بۇل ماقساتقا قارالعان اقشا 30 ملرد تەڭگەنى قۇرايدى. پورت قۇرىلىسىنا 500-دەن استام ادام تارتىلعان. «قۇرىق» پورتى قولدانىسقا بەرىلگەن كەزدە 100 جاڭا جۇمىس ورنى اشىلماق. جوبالارعا تيەسىلى قارجى «سامۇرىق-قازىنا» ۇلتتىق ٴال-اۋقات قورىنان ٴبولىندى. ال «قۇرىق» پورتىنداعى پاروم كەشەنى قۇرىلىسىنا 2015 جىلى 4،8 ملرد تەڭگە بولىنسە، بيىل تاعى 7 ملرد قارالىپ وتىر. ٴبىراق بۇل سوما ازدىق ەتكەن.

"بيىل ٴبىرىنشى كەزەڭدى اياقتاۋ ٴۇشىن، 21 ملرد تەڭگە قارجى كەرەك دەپ ەسەپتەگەنبىز. ٴقازىر 7 ميللياردتان بولەك، تاعى 10 ملرد كولەمىندەگى اقشانى قاراستىرىپ جاتىر. ياعني قارجى ماسەلەسى شەشىلۋ ۇستىندە. سوندىقتان تولىعىمەن ايتۋعا بولدى، بيىل دا 21 ميللياردپەن جەلتوقسانعا دەيىن ٴبىرىنشى كەزەڭىن تاپسىرامىز. ول پورومدى كەشەن جۇمىس ىستەيدى دەگەن ٴسوز"-دەيدى باقىت قارساقبايەۆ.

باقىت قارساقبايەۆ استانادا سالىنىپ جاتقان ەكىنشى تەمىر جول ۆوكزالىنىڭ قۇرىلىسىنا دا توقتالدى. ماڭىزدى نىساننىڭ قۇرىلىسىن 2017 جىلدىڭ ٴساۋىر ايىنا دەيىن تولىق اياقتاۋ جوسپارلانعان. 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!