BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جامبىلدا «دامۋ» قورى 31 جوبانى سۋبسيديالاعان

فوتو: kostanaytany.kz

جامبىل وبلىسىندا «دامۋ» كاسىپكەرلىكتى دامىتۋ قورى «بيزنەستىڭ جول كارتاسى – 2020» باعدارلاماسى اياسىندا 2،8 ملرد تەڭگەگە بارلىعى 31 جوبا سۋبسيديالادى. بۇل جونىندە جامبىل وبلىسىنداعى اتالعان قوردىڭ وڭىرلىك فيليالىنىڭ ديرەكتورى باقىتجان يساقوۆ مالىمدەدى، دەپ حابارلايدى baq.kz ٴتىلشىسى.

«بيزنەستىڭ جول كارتاسى – 2020» بيزنەستى دامىتۋ مەن قولداۋدىڭ مەملەكەتتىك باعدارلاماسى 2010 جىلدان بەرى ىسكە اسىرىلىپ كەلەدى جانە ونى جۇزەگە اسىرۋ بارىسىندا دامۋ قورى قارجى اگەنتتىگىنىڭ فۋنكسيالارىن ورىندايدى، اتاپ ايتقاندا جەكە كاسىپكەرلىك سۋبەكتىلەرىنە نەسيە بويىنشا پايىزدىق مولشەرلەمەلەردى سۋبسيديالاۋ جانە نەسيەلەردى ٴىشىنارا كەپىلدەندىرۋ قۇرالدارى بويىنشا قارجىلىق قولداۋ كورسەتىپ، سونداي-اق شوب جوبالارىن قارجىلاندىرۋعا ماقۇلداۋ العانعا دەيىن كونسۋلتاسيالىق قىزمەتتەر تۇرىندە قولداۋ كورسەتەدى. باعدارلاما جۇزەگە اسقاننان بەرى جامبىل وبلىسىندا 600-دەن استام كاسىپكەر قولداۋ الدى. سونىڭ ىشىندە، سۋبسيديالاۋ قۇرالى بويىنشا جالپى نەسيە سوماسى 204،2 ملرد تەڭگەگە بارلىعى 789 جوبا سۋبسيديالاندى. وسىلايشا دامۋ قورىمەن نەسيەلەرگە تولەنگەن قارجىنىڭ كولەمى 7 ملرد تەڭگەنى قۇرايدى. ايتا كەتۋ كەرەك، 2018 جىلى جالپى نەسيە سوماسى 2،8 ملرد تەڭگەگە بارلىعى 31 جوبا سۋبسيديالاندى، ونىڭ 1،3 ملرد تەڭگەسى تولەندى»، - دەدى وڭىرلىك فيليال ديرەكتورى.

ونىڭ ايتۋىنشا، اتالعان باعدارلاما اياسىندا كەپىلدەندىرۋ قۇرالى بويىنشا بارلىعى 312 جوبا كەپىلدەندىرىلىپ، بۇل كاسىپكەرلەرگە جالپى العاندا 10 ملرد تەڭگەدەن اسا نەسيە الۋلارىنا مۇمكىندىك بەردى.

«بۇل رەتتە دامۋ قورىنىڭ بەرگەن كەپىلدىكتەرىنىڭ جالپى سوماسى 3،7 ملرد تەڭگەنى قۇرادى. ونىڭ ىشىندە، اعىمداعى جىلى جالپى نەسيە سوماسى 1 282 ملن تەڭگەگە 43 كەپىلدەندىرۋ شارتىنا قول قويىلدى. وندا «دامۋ» قورى شىعارعان كەپىلدىكتەردىڭ جالپى سوماسى 463،3 ملن تەڭگەنى قۇرادى»، - دەپ ٴمالىم ەتتى يساقوۆ.

«دامۋ» كدق وكىلى اتاپ وتكەندەي، وڭىردە «ەڭبەك» مەملەكەتتىك باعدارلاماسى اياسىندا 2017 جىلى 817،6 ملن. تەڭگە ٴبولىنىپ، ونى اتالعان قور 6 بانككە ورنالاستىرعان.

«جامبىل وبلىسىندا بۇل باعدارلاما تاراز، قاراتاۋ جانە جاڭاتاس قالالارىندا جۇزەگە اسىرىلۋدا. وتكەن جىلى «ەڭبەك» باعدارلاماسى بويىنشا 817،6 ملن تەڭگە ٴبولىندى، ونى دامۋ قورى ەكىنشى دەڭگەيدەگى 6 بانككە ورنالاستىردى. بارلىق بولىنگەن قاراجات تولىعىمەن يگەرىلدى. ناتيجەسىندە 74 جوبا نەسيەلەندىرىلدى. اعىمداعى جىلى باعدارلامانى ىسكە اسىرۋ ٴۇشىن 1 232،8 ملن تەڭگە ٴبولىندى. ونىڭ ىشىندە بۇگىنگى كۇنى 635،6 ملن تەڭگە ٴتورت بانكتە ورنالاستىرىلدى. قالعان 597،2 ملن تەڭگە سوماسىنداعى قالعان قاراجات ورنالاستىرۋ ساتىسىندا تۇر. وسى باعدارلامانى ىسكە اسىرۋدىڭ بارلىق كەزەڭىندە ٴبىزدىڭ وبلىستا جالپى سوماسى 921 ملن تەڭگەگە 84 جەڭىلدىكتى نەسيە بەرىلدى، ونىڭ ىشىندە قوردىڭ كەپىلدىگىمەن 189 ملن تەڭگە سوماسىندا 26 نەسيە بەرىلدى»، - دەدى يساقوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي