جامبىل وبلىسىندا سوڭعى 10 جىلدا 4،5 ميلليون شارشى مەترلى تۇرعىن ٴۇي سالۋ جوسپارلانۋدا، دەپ حابارلايدى baq.kz
2431
0 
استانا: 
1282 
0
جامبىل وبلىسىندا سوڭعى 10 جىلدا 4،5 ميلليون شارشى مەترلى تۇرعىن ٴۇي سالۋ جوسپارلانۋدا، دەپ حابارلايدى baq.kz
ا.ٴا.بەگالى ۇلىنىڭ ايتۋىنشا، تۇرعىن ٴۇي قۇرىلىس جيناق جۇيەسىنىڭ قۋاتىن بارىنشا پايدالانۋ ماقساتىندا، اعىمداعى جىلى «نۇرلى جول» ينفراقۇرىلىمدىق دامىتۋدىڭ مەملەكەتتىك باعدارلاماسى اياسىندا تۇرعىن ٴۇي قۇرىلىس جيناق بانكى سالىمشىلارى ٴۇشىن كرەديتتىك تۇرعىن ٴۇي قۇرىلىسىنا قاراجاتتار ٴبولىندى.
-وسى باعدارلامانىڭ ەرەكشەلىگى – قۇرىلىسقا قاراجات ۇلتتىق قوردان ٴبىر اق رەت 20 جىل مەرزىمگە ارناپ بولىنەدى. ٴارى قاراي قاراجات 2 جىل ىشىندە اينالىمعا ٴتۇسىپ، بانك سالىمشىلارى تۇرعىزىلعان تۇرعىن ۇيلەردى ساتىپ العاننان كەيىن قۇرىلىسقا قايتا پايدالانىلاتىن بولادى. وسى ماقساتتارعا نەبارى 149 ملرد. تەڭگە بولىنگەن. ونىڭ: 22 ملرد. تەڭگەسى بانك سالىمشىلارىن كرەديتتەۋگە جىبەرىلسە، 127 ملرد. تەڭگەسى «بايتەرەك» باسقارۋشى حولدينگىنە الەۋمەتتىك تۇرعىن ٴۇي قۇرىلىسى ٴۇشىن جىبەرىلەدى.
اقشالار ەكى باعىت بويىنشا: 67 ملرد. تەڭگەسى جەرگىلىكتى اتقارۋشى ورگاندارى ارقىلى جانە 60 ملرد. تەڭگەسى «بايتەرەك دەۆەلوپمەنت» اكسيونەرلىك قوعامى ارقىلى بولىنەدى. وسىلايشا، مەملەكەت باسشىسىنىڭ تاپسىرماسى بويىنشا بولىنگەن قاراجاتقا 2 جىلدا رەسپۋبليكا بويىنشا 14 مىڭ پاتەردى قۇرايتىن 814 مىڭ شارشى مەترلى تۇرعىن ٴۇي قاتارى سالىناتىن بولادى.
جامبىل وبلىسى اكىمدىگىنىڭ ٴباسپاسوز قىزمەتىنىڭ مالىمەتىنشە، سونىمەن قاتار سوڭعى 10 جىلدا 4،5 ميلليون شارشى مەرتلى تۇرعىن ٴۇي سالۋ جوسپارلانىپ وتىر. جەرگىلىكتى اتقارۋشى ورگانداردىڭ جەلىسى بويىنشا سالىناتىن تۇرعىن ٴۇي ٴبىزدىڭ سالىمشىلار اراسىندا 50/50 ۇستانىمى بويىنشا وتكىزىلەتىن بولادى، ياعني: پاتەردىڭ 50 %-ى بانك سالىمشىلارىنا، 50 %-ى جاو كەزەگىندە تۇرعاندارعا بەرىلەدى.
پاتەرلەر وڭىرلەردى دامىتۋ باعدارلاماسىنىڭ سىزباسى بويىنشا ورنالاستىرىلادى. تۇرعىن ٴۇي قۇرىلىس جيناق بانكى جەلىسى بويىنشا تۇرعىن ۇيلەردى ىسكە اسىرۋ اۆتوماتتاندىرىلعان جانە باللداردى ەسەپتەۋ ادامي فاكتوردى الىپ تاستايتىن باعدارلامالىق قامتاماسىز ەتۋدىڭ كومەگى ارقىلى جۇرگىزىلەدى - دەپ ٴسوزىن تۇيىندەدى ا.ٴا.بەگالى ۇلى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
