استانا: 
726 
0
استانا. 14 قاراشا. baq.kz – بۇگىن ٴتۇس اۋا قر پرەزيدەنتى جانىنداعى ورتالىق كوممۋنيكاسيالار قىزمەتىنىڭ كوشپەلى وتىرىسى الماتى قالاسىندا ٴوتتى. ٴداستۇرلى بريفينگتە ٴسوز العان «تۇران» ۋنيۆەرسيتەتىنىڭ رەكتورى راحمان الشانوۆ ۇلتتىق قور قاراجاتىن ۇقىپتى پايدالانۋ كەرەكتىگىن اتاپ ٴوتتى، - دەپ حابارلايدى baq.kz ٴتىلشىسى.
- مەملەكەت باسشىسى «نۇرلى جول» جولداۋىندا ەل ىشىندەگى قالاارالىق جانە رەپۋبليكالىق ماڭىزى جوعارى جولداردى جوندەۋ مەن قايتا سالۋ ماسەلەسىنە قاتىستى جۇمىستاردى ورىنداۋدا ۇلتتىق قوردان بولىنەتىن قاراجاتتى وتە ٴتيىمدى ٴارى ۇقىپتى پايدالانۋىمىز كەرەك. ويتكەنى، الەم ەلدەرىنىڭ شارۋاسى شاتقاياقتاپ، ەكونوميكاسى قۇبىلمالى كۇيگە ٴتۇسىپ جاتقاندا، ٴبىزدىڭ سارى مايداي ساقتاپ كەلىپ، وسىنداي قىسىلتاياڭ شاقتان قينالماي شىعۋىمىز ٴۇشىن قور قاراجاتىن پايدالانۋ جونىندە ەلباسى شەشىم شىعاردى. ەندىگى جەردە بۇل قاراجاتتىڭ شاشاۋىن شىعارماي، اسىرەسە ەڭ ماڭىزى زور جولداردى جوندەپ العانىمىز ٴجون. سەبەبى، ٴبىزدىڭ وسى قاراجاتىمىزعا كوز تۇگىپ وتىرعان كەيبىر شەت ەلدىك كومپانيالار دا جوق ەمەس. مىسالى، وتاندىق كومپانيالاردىڭ قىزمەتىن ٴتيىمدى ۇيىمداستىرا وتىرىپ، وڭتۇستىك پەن سولتۇستىكتىڭ، شىعىس پەن باتىستىڭ اراسىن بايلانىستىراتىن اۆتوجولداردى سالۋىمىز كەرەك. ناتيجەسىندە، قاراعاندىدان شىققان ٴونىم اپ-ساتتە اقتاۋ، اتىراۋعا جىلدام جەتسە، وڭتۇستىكتىڭ كوكونىسى مەن جەمىس-جيدەگى سولتۇستىككە تەز تاسىمالدانسا، ەلدىڭ ىشكى نارىعىنداعى تاۋار مەن قارجى اينالىمى جاندانا تۇسەتىندىگى ٴسوزسىز. نۇرسۇلتان ٴابىش ۇلى ٴوز جولداۋىندا وسىنى مەڭزەپ، ەل ۇكىمەتىنە ناقتى تاپسىرمالار جۇكتەدى، - دەدى راحمان الشانوۆ.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2440
0