استانا. 14 قاراشا. baq.kz – ۇدەمەلى يندۋستريالدى يننوۆاسيالىق دامۋ مەملەكەتتىك باعدارلاماسىنىڭ ەكىنشى 5 جىلدىعى وڭىرلىك ەرەكشەلىكتەرگە بايلانىستى ناقتى ۇشتاستىرىلدى.
2440
0 
استانا: 
1189 
0
استانا. 14 قاراشا. baq.kz – ۇدەمەلى يندۋستريالدى يننوۆاسيالىق دامۋ مەملەكەتتىك باعدارلاماسىنىڭ ەكىنشى 5 جىلدىعى وڭىرلىك ەرەكشەلىكتەرگە بايلانىستى ناقتى ۇشتاستىرىلدى.
ٴاربىر ٴوڭىر ٴۇشىن وزىندىك ەكونوميكالىق دەربەستىك ايقىندالدى. بۇل جوبالاردىڭ قايتالانۋىنا جول بەرمەيدى ٴارى ەل اۋماعىندا ٴوندىرىس وشاقتارىن ٴتيىمدى ورنالاستىرۋعا مۇمكىندىك بەرەدى. سونىمەن بىرگە وڭىرلەر اراسىنداعى وندىرىستىك كووپەراسيانى نىعايتادى.
باعدارلامانى جۇزەگە اسىرۋعا قاجەتتى ينۆەستيسيانىڭ جالپى كولەمى شامامەن 6،6 ترلن. تەڭگەنى قۇرايدى. مۇنىڭ 6 ترلن. تەڭگەسى كۆازيمەملەكەتتىك جانە جەكە سەكتور ەسەبىنەن تارتىلادى. ال بيۋدجەت تاراپىنان بولىنەتىن قارجى شامامەن 650 ملرد. تەڭگەگە جۋىق. وسىلايشا، مەملەكەتتىڭ ٴاربىر تەڭگە ينۆەستيسياسىنا كەمىندە 4 تەڭگە جەكە ينۆەستيسيا تارتۋدى كوزدەيتىن «قارجىلىق تەتىك» ٴادىسى جۇزەگە اسىرىلاتىن بولادى.
ايتا كەتەرلىگى، 2010-2013 جىلدارى ارالىعىندا بۇل مەملەكەتتىك باعدارلامانى قارجىلاي قولداۋ ٴۇشىن شامامەن 3،7 ترلن. تەڭگە بولىنگەن بولاتىن. بۇدان بولەك ينۆەستيسيالىق جوبالاردى جۇزەگە اسىرۋعا 2،4 ترلن. تەڭگە جەكە ينۆەستيسيا قوسىمشا تارتىلعان ەدى. ناتيجەسىندە اتالعان كەزەڭدە ٴجىو ەكى ەسە ٴوسىپ، 2013 جىلى 34،1 ترلن. تەڭگەگە جەتتى. وتكەن جىلدىڭ قورىتىندىسىندا وڭدەۋ ونەركاسىبىندەگى ەڭبەك ونىمدىلىگى 57،5 مىڭ اقش دوللارىن قۇراپ، 2008 جىلمەن سالىستىرعاندا 1،6 ەسە ٴوسىم كورسەتتى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
