استانا: 
2777 
0
«تۇرعىن ٴۇي قۇرىلىس جيناق بانكى» اق (بايتەرەك حولدينگىنىڭ ەنشىلەس ۇيىمى) قىزىلوردا قالاسىنداعى ٴوز سالىمشىلارى اراسىندا «بايتەرەك دەۆەلوپمەنت» اق جەلىسى بويىنشا كرەديتتىك تۇرعىن ۇيگە وتىنىشتەردى قابىلداۋدى باستادى، دەپ حابارلايدى baq.kz ٴتىلشىسى.
جاڭا تۇرعىن ۇيلەر ساۋلەت ىقشاماۋدانىندا «نۇرلى جول» باعدارلاماسى اياسىندا سالىنىپ جاتىر. بۇل 7 نىسان جالپى كولەمى 20 مىڭ شارشى مەتردى قۇرايتىن 350 پاتەردەن تۇرادى. قۇرىلىستىڭ اياقتالۋ مەرزىمى اعىمداعى جىلدىڭ قازان ايى دەپ بەلگىلەندى. پاتەرلەر 1 ش.م. ٴۇشىن 143 مىڭ تەڭگە باعامەن، تازا ارلەنگەن كۇيىندە وتكىزىلەدى.
ەستەرىڭىزگە سالا كەتەيىك، تۇرعىن ٴۇي قۇرىلىس جيناق بانكى «2015-2019 جىلدارعا ارنالعان «نۇرلى جول» ينفراقۇرىلىمدىق دامىتۋدىڭ مەملەكەتتىك باعدارلاماسى اياسىندا «بايتەرەك دەۆەلوپمەنت» اق-نىڭ ٴتۇرلى قۇرىلىس جوبالارىن ىرىكتەۋ ۇستىندە. قازىرگى تاڭدا، ەلدىڭ ٴار وڭىرىنەن 10 كرەديتتىك تۇرعىن ٴۇي قۇرىلىس جوباسى ىرىكتەلدى.
اكتاۋ قالاسىندا 1 شارشى مەترى 153 تەڭگەدەن تۇراتىن، 540 پاتەرلى 34 167 شارشى مەتر تۇرعىن ٴۇي سالىناتىن بولادى. ال، اتىراۋ قالاسىندا شارشى مەترى ٴۇشىن باعاسى 152 مىڭ تەڭگە بولاتىن 245 پاتەر بەرىلەدى. الماتى قالاسىنا كەلەتىن بولساق، بانك سالىمشىلارىنا «ايگەرىم-2» ىقشاماۋدانىنان جالپى اۋماعى 37 353 ش.م. قۇرايتىن كرەديتتىك تۇرعىن ٴۇي سالىنباقشى. بۇل دەگەنىمىز – 636 پاتەر، ال شارشى مەترى ٴۇشىن باعاسى 199 900 تەڭگەنى قۇرايتىن بولادى. بۇدان بولەك، قۇرىلىس قىزىلوردا، سەمەي، ورال، وسكەمەن جانە ەكىباستۇز قالالارىندا سالىناتىن بولادى. تۇرعىن ٴۇي قۇرىلىس جيناق بانكىنىڭ «بايتەرەك دەۆەلوپمەنت» اق باسقا دا جوبالارىن بەكىتىۋنە قاراي وسى ٴتىزىم ۇنەمى كەڭەيتىلىپ، تولىقتىرىلىپ وتىرادى.
تۇرعىن ٴۇي قۇرىلىس جيناق بانكى جەلىسى بويىنشا «نۇرلى جول» باعدارلاماسىنا قاتىسۋ ٴۇشىن سالىمشى بولۋ قاجەت.
«بايتەرەك» ۇبح» اق، «قازاقستاننىڭ تۇرعىن ٴۇي قۇرىلىس جيناق بانكى» اق جانە «بايتەرەك دەۆەلوپمەنت» اق ەنشىلەس ۇيىمدارى كرەديتتىك تۇرعىن ٴۇي باعىتى بويىنشا «2015-2019 جىلدارعا ارنالعان «نۇرلى جول» ينفراقۇرىلىمدىق دامىتۋدىڭ مەملەكەتتىك باعدارلاماسىن ىسكە اسىراتىن وپەراتورلار بولىپ تابىلادى. حولدينگ ەكونوميكانى دامىتۋ جانە ٴارتاراپتاندىرۋعا ىقپال ەتۋ، ينۆەستيسيا تارتۋ، كلاستەرلەردى دامىتۋ جانە ونىڭ ەنشىلەس ۇيىمدارىندا كورپوراتيۆتىك باسقارۋ جۇيەسىن جەتىلدىرۋ ماقساتىمەن قۇرىلعان.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2431
0