استانا: 
941 
0
استانا. 16 قىركۇيەك. baq.kz – قر پرەزيدەنتىنىڭ جانىنداعى مەملەكەتتىك باسقارۋ اكادەمياسىندا «transparency international» باعدارلاماسىنىڭ ديرەكتورى مارك پايماننىڭ «جەمقورلىققا قارسى يدەولوگيانى قالىپتاستىرۋ: بۇگىنگى بولمىسى مەن كەلەشەگى «سكانديناۆيا ەلدەرىنىڭ، سينگاپۋر جانە باسقالاردىڭ تاجىريبەسى» تاقىرىبىنا سەمينارى باستالدى.
اكادەميا رەكتورى بولاتبەك ابدراسيلوۆ ٴىس-شارانىڭ قاتىسۋشىلارىنا «100 ناقتى قادام» ۇلت جوسپارىن ىسكە اسىرۋ بويىنشا ەلدە جۇرگىزىلىپ جاتقان جۇمىستار، اتاپ ايتقاندا، سىبايلاس جەمقورلىققا قارسى كۇرەستى كۇشەيتۋ شارالارى، قازاقستان رەسپۋبليكاسىنىڭ 2015–2025 جىلدارعا ارنالعان سىبايلاس جەمقورلىققا قارسى ستراتەگياسىنىڭ نەگىزگى باعىتتارى تۋرالى ايتىپ باياندادى.
ٴۇش كۇندىك سەمينارعا قر پرەزيدەنتى اكىمشىلىگى، پرەمەر-مينيستر كەڭسەسى، ورتالىق جانە جەرگىلىكتى اتقارۋشى ورگاننىڭ مەملەكەتتىك قىزمەتشىلەرى قاتىسادى.
دوكتور مارك پايمان جەمقورلىققا قارسى كۇرەس جانە جەمقورلىقتىڭ الدىن الۋ ماسەلەلەرى بويىنشا تانىمال ەكسپەرت بولىپ. ترانسپارەنسي ينتەرنەشنلدا (transparency international) 2004 جىلدان بەرى قىزمەت اتقارىپ، ۇلكەن باعدارلامانىڭ نەگىزىن قالادى جانە باسقاردى، سول باعدارلاما شەڭبەرىندە ۇكىمەتتەگى جەمقورلىق ماسەلەلەرىن كونسترۋكتيۆتى شەشۋ جولدارى ازىرلەنىپ، جۇزەگە اسىرىلدى. ول كوپتەگەن ەلدەردە، اتاپ ايتقاندا قورعانىس مينيسترلىگى مەن قارۋلى كۇشتەر سەكىلدى كۇردەلى سەكتورلاردا جەمقورلىققا قارسى ٴتيىمدى باعدارلامالاردى جاساۋ بويىنشا ٴوز جۇمىستارىمەن الەمگە ايگىلى. ۇلىبريتانيا ۇكىمەتىندە ٴىرى مەملەكەتتىك جوبالارعا ۇكىمەتتىك ساراپتامانى جۇزەگە اسىراتىن جاۋاپتى لاۋازىمداردى اتقاردى.
سەمينار بارىسىندا ەكسپەرت مەملەكەتتىك قىزمەتشىلەردى سىبايلاس جەمقورلىققا قارسى كۇرەستىڭ نەگىزگى ەلەمەنتتەرىمەن جانە باسقا ەلدەردىڭ جەمقورلىققا قارسى تاجىريبەسىمەن تانىستىرادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2430
0