استانا: 
677 
0
استانا. 22 اقپان. baq.kz – «نۇرلى جول» باعدارلاماسىن جۇزەگە اسىرۋ اياسىندا «ورتالىق-وڭتۇستىك» دالىزىندەگى «قۇرتى-بۇرىلبايتال» ۋچاسكەسىن قايتا جاڭارتۋدى ەۋروپالىق قايتا قۇرۋ جانە دامۋ بانكى قارجىلاندىرادى.
«financial times» جانە ەۋروپا قايتا قۇرۋ جانە دامۋ بانكىمەن ستامبۇل قالاسىندا ۇيىمداستىرىلعان ورتالىق-ازيالىق ينۆەستيسيالىق فورۋم بارىسىندا ەۋروپالىق قايتا قۇرۋ جانە دامۋ بانكى جانە «قازاۆتوجول» ۇلتتىق كومپانياسى اراسىندا «ورتالىق-وڭتۇستىك» ترانزيتتىك ٴدالىزدىڭ قايتا-جاڭارتۋىن قارجىلاندىرۋ بويىنشا نەسيەلىك كەلىسىمگە قول قويىلدى.
103 ملن.$ مولشەردەگى قاراجات «قۇرتى - بۇرىلبايتال» اۆتوجولىنىڭ ٴبىر ۋچاسكەسىندەگى جالپى ۇزىندىعى 81 شاقىرىم جولدى قايتا جاڭارتۋعا باعىتتالادى. قۇرتى جانە بۇرىلبايتال ەلدى مەكەندەرى اراسىنداعى اۆتوموبيل جولىنىڭ جالپى ۇزىندىعى 228 شاقىرىمدى قۇرايدى. اتالعان اۆتوموبيل جولى «ورتالىق-وڭتۇستىك» دالىزىنە كىرەدى.
نەسيەلىك كەلىسىمگە قول قويۋ قارجى مينيسترلىگى مەن «قازاۆتوجول» كومپانياسى جانە ەقدب اراسىنداعى وتكەن جىلى قاراشا ايىندا مەملەكەت باسشىنىڭ ۇلىبريتانياعا ساپارى اياسىندا الدىن الا قول قويىلعان كەلىسىمىن جۇزەگە اسىرۋدىڭ ٴبىرىنشى كەزەڭى بولىپ تابىلادى.
«قازاۆتوجول» كومپانياسىمەن الدىن الا كەلىسىمگە قول قويىلعاننان كەيىن قارىز الۋ ماقساتىندا مەملەكەتتىك ورگانداردىڭ قولداۋىمەن بارلىق قاجەتتى قۇجاتتامالاردى دايىنداۋ جۇمىستارى جاسالدى. ناتيجەسىندە قارىز كولەمى 140 ملن.$-دان 103 ملن.$-عا دەيىن تۇزەتىلگەن.
استانا جانە الماتىنى («ورتالىق-وڭتۇستىك ٴدالىز) جالعاستىراتىن كولىك ٴدالىزىن تولىق قايتا جاڭارتۋ «نۇرلى جول» ينفراقۇرىلىمدى دامىتۋ مەملەكەتتىك باعدارلاماسى اياسىندا قاراستىرىلعان. قازىرگى تاڭدا الماتى - قاپشاعاي جانە استانا-تەمىرتاۋ ٴتۇيىندى ۋچاسكەلەرىن قايتا جاڭارتۋ جۇمىستارى اياقتالۋدا.
«قۇرتى - بۇرىلبايتال» ۋچاسكەسىندەگى قولايسىز جاعداي ۇزاق ۋاقىت بويى جۇك جانە جولاۋشىلار تاسىمالى ٴترانزيتىن توقتاتىپ تۇردى. بۇل جوبانىڭ جۇزەگە اسۋى جول ٴجۇرىسىنىڭ قاۋىپسىزدىك دەڭگەيىن اناعۇرىلىم كوتەرىپ، ٴدالىزدىڭ ترانزيتتىك پوتەنسيالىن ارتتىرىپ، ايماقتىڭ ەكونوميكالىق جانە الەۋمەتتىك دامۋىنا ىقپال ەتەدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2430
0