BAQ.kz - Қазақстан жаңалықтары USD 379.19 BAQ.kz - Қазақстан жаңалықтары EUR 426.63 BAQ.kz - Қазақстан жаңалықтары RUB 5.92
استانا:

شىعىس قازاقستاندا 5 اۆتوجول جوباسى جۇزەگە اسادى

ينفراقۇرىلىمدىق دامىتۋعا باعىتتالعان «نۇرلى جول» باعدارلاماسى بويىنشا شىعىس قازاقستان وبلىسىندا «ورتالىق - شىعىس» ٴدالىزىن قايتا قۇرۋ جوسپارلانعان. ونىڭ اياسىندا 5 اۆتوجول جوباسى جۇزەگە اسادى، دەپ حابارلايدى baq.kz اقپارات اگەنتتىگى.

وبلىس اكىمى دانيال احمەتوۆتىڭ ايتۋىنشا، ەلباسى جولداۋىندا جاريالانعان جوبالار رەسەيدىڭ ٴسىبىر ايماعىنان قازاقستان ارقىلى قىتايدىڭ شۇار پروۆينسياسىنا قىسقا جول اشۋعا مۇمكىندىك بەرەدى.

«ورتالىق-شىعىس» ٴدالىزىن قايتا قۇرۋ جالپى ۇزىندىعى 161 شاقىرىم قۇرايتىن «ومبى-مايقاپشاعاي»، «تاسكەسكەن-باقتى»، «وسكەمەن – زىريان – ۇلكەن نارىن – كاتونقاراعاي – راحمان قاينارى» باعىتىنداعى اۆتوجولداردى جوندەۋگە مۇمكىندىك بەرىپ وتىر.

سونداي-اق، اعىمداعى جىلى شەتەلدىك ينۆەستيسيا ەسەبىنەن رەسپۋبليكالىق ماڭىزداعى «وسكەمەن - الماتى» جانە «قالباتاۋ - مايقاپشاعاي» اۆتوكولىك جولدارىن قايتا جاڭارتۋدى باستاۋ جوسپارلانۋدا. ونىڭ ناتيجەسىندە، جولدار دەڭگەيى ىى-تەحنيكالىق ساناتقا اۋىستىرىلادى. وبلىس اكىمى ايماقتاعى وسى جوبالاردى ىسكە اسىرۋ ەلباسى جولداۋىنىڭ ٴتورتىنشى باعىتى اياسىندا جۇزەگە اسىرىلاتىنىن اتاپ ٴوتتى.

«رەسپۋبليكالىق ماڭىزى بار جولداردى جوندەۋ رەسەيدىڭ ٴسىبىر وبلىسىنان قازاقستان ارقىلى قىتايدىڭ شۇار دەگەن پروۆينسياسىنا قىسقا جول اشۋعا مۇمكىندىك بەرەدى. وسىلايشا، ٴبىزدىڭ ايماقتا پرەزيدەنتىمىزدىڭ بارلىق تاپسىرمالارى ناقتى جۇزەگە اسىرىلاتىنىن زور سەنىممەن ايتا الامىز. وبلىس ٴۇشىن اسا ماڭىزدى جوبالاردىڭ ورىندالۋىن قامتاماسىز ەتۋ ٴۇشىن جولاۋشىلار كولىگى جانە اۆتوكولىك جولدارى باسقارماسىنا باقىلاۋدى كۇشەيتۋدى بۇيىرامىن. اۆتوكولىك جولدارىنىڭ 70-85% ۇلەسىنىڭ جاعدايىن جاقسارتۋدى تاپسىرامىن»، - دەدى دانيال احمەتوۆ.

شقو اكىمىنىڭ ٴباسپاسوز قىزمەتى ٴمالىم ەتكەندەي، 2018 جىلى رەسپۋبليكالىق ماڭىزى بار جولداردىڭ 138 شاقىرىم اۋماعىن ورتاشا جوندەۋ جوسپارلانعان. بۇدان بولەك، قازاقستان-رەسەي شەكاراسىنداعى «اۋىل» جانە «ۋبا» باقىلاۋ-وتكىزۋ پۋنكتتەرىندە قوسىمشا جولاقتاردىڭ قۇرىلىسى جوسپارلانعان. بۇل وسى نۇكتەلەردىڭ ترانزيتتىك الەۋەتىن ارتتىرۋعا مۇمكىندىك بەرەدى. جالپى الداعى تاڭدا رەسپۋبليكالىق ماڭىزى بار 3،414 شاقىرىم جول جوندەۋدەن وتەدى.

ايتا كەتەيىك، شقو رەسپۋبليكاداعى جالپى قولدانىستاعى جولداردىڭ ەڭ ۇلكەن بولىگى، ياعني 11 494.5 شاقىرىمدى باسىپ وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي