استانا: 
719 
0
استانا. 2 قازان. baq.kz – قازىرگى كەزدە استانا قالاسىندا 270 قۇرىلىس وبەكتىسى جۇمىس ىستەپ جاتىر. ولار 5،1 ملن شارشى مەتر بولاتىن اۋماقتا 76 مىڭ پاتەردى سالۋدا. بۇل تۋرالى بۇگىن ورتالىق كوممۋنيكاسيالار قىزمەتىندە وتكەن ٴباسپاسوز ماجىلىسىندە استانا قالاسى اكىمىنىڭ ورىنباسارى سەرگەي حوروشۋن ايتتى.
– استانا قالاسىندا 2005 جىلدان بەرى تۇراقتى تۇردە 1 ميلليون شارشى مەترگە تۇرعىن ٴۇي تۇرعىزىلىپ كەلەدى. وسى جىلدىڭ 1 قىركۇيەگىندەگى مالىمەت بويىنشا، تۇرعىن ٴۇي قورى 18،4 ميلليونعا جەتتى، ياعني 1998 جىلمەن سالىستىرعاندا 14 ميلليون شارشى مەترگە ارتتى. بىلتىرعى جىلى جەكە تۇرعىن ٴۇي قۇرىلىسى بويىنشا 250 (جتق) وبەكت ٴوز جۇمىسىن باستاعان. ال، بيىلعى جىلدىڭ شىلدە ايىنان قالانىڭ تۇرعىن ٴۇي قورى 300 مىڭ شارشى مەترگە ارتتى. جىل باسىنان بەرى 1 ملن 198 مىڭ شارشى مەتر ٴۇي پايدالانۋعا بەرىلدى، – دەيدى س. حوروشۋن.
قالا اكىمى ورىنباسارىنىڭ ايتۋىنشا، قازىرگى كەزدە 76 مىڭ پاتەردىڭ قۇرىلىسى ٴجۇرىپ جاتىر.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2434
0